മലപ്പുറത്ത് ഇ.ടി മുഹമ്മദ് ബഷീര്, പൊന്നാനിയില് സമദാനി; തമിഴ്നാട്ടിലെ രാമനാഥ പുരത്ത് നവാസ് ഗനി; മുസ്ലിം ലീഗ് സ്ഥാനാര്ഥികളെ പ്രഖ്യാപിച്ചു
മലപ്പുറം: ലോക്സഭാ തെരഞ്ഞെടുപ്പിനുള്ള മുസ്ലിം ലീഗ് സ്ഥാനാര്ഥികളെ പ്രഖ്യാപിച്ചു. മലപ്പുറത്ത് ഇ.ടി മുഹമ്മദ് ബഷീറും പൊന്നാനിയില് അബ്ദുസ്സമദ് സമദാനിയും മത്സരിക്കും. രാജ്യസഭാ സ്ഥാനാര്ഥിയെ പിന്നീട് തീരുമാനിക്കും.തമിഴ്നാട്ടിലെ രാമനാഥ പുരത്തുനിന്ന് നവാസ് ഗനി മത്സരിക്കും. യൂത്ത് ലീഗ് ദേശീയ ജനറല് സെക്രട്ടറി ഫൈസല് ബാബു അടക്കമുള്ളവരെ പൊന്നാനിയില് പരിഗണിച്ചിരുന്നെങ്കിലും നിലവിലെ രാഷ്ട്രീയ സാഹചര്യങ്ങള് പരിഗണിച്ച് സമദാനിക്ക് നറുക്ക് വീഴുകയായിരുന്നു.
