പൗരത്വ നിയമ ഭേദഗതിക്കെതിരായ പ്രതിഷേധം; കണ്ണന് ഗോപിനാഥനെ വീണ്ടും അറസ്റ്റ് ചെയ്തു
മുന് ഐഎഎസ് ഉദ്യോഗസ്ഥന് കണ്ണന് ഗോപിനാഥനെ പൗരത്വ നിയമ ഭേദഗതിക്കെതിരായ പ്രതിഷേധ പരിപാടിക്കെത്തിയതിനെത്തുടര്ന്ന് വീണ്ടും കസ്റ്റഡിയിലെടുത്തു. ഉത്തര് പ്രദേശ് പോലീസ് ആണ് വീണ്ടും അറസ്റ്റ് ചെയ്തത്.പ്രതിഷേധ പരിപാടിക്കായി അലഹബാദ് വിമാനത്താവളത്തില് എത്തിയപ്പോഴാണ് കസ്റ്റഡിയിലെടുത്തത്. ഓള് ഇന്ത്യ പീപ്പിള്സ് ഫോറം സംഘടിപ്പിക്കുന്ന പരിപാടിയുടെ മുഖ്യാതിഥിയായിരുന്നു കണ്ണന് ഗോപിനാഥന്. നേരത്തെയും പ്രതിഷേധ പരിപാടിക്കെത്തിയ കണ്ണന് ഗോപിനാഥിനെ യു.പി പൊലീസ് കസ്റ്റഡിയിലെടുത്തിരുന്നു. നേരത്തെ അലിഗഡ് മുസ്ലിം യൂണിവേഴ്സിറ്റിയിലെ പൗരത്വ ഭേദഗതി നിയമത്തിനെതിരായ പ്രകടനത്തില് പങ്കെടുക്കാന് പോകുമ്പോഴാണ് ഗോപിനാഥനെ പൊലീസ് ആഗ്രയില് തടഞ്ഞുവച്ചത്.
