ജമ്മുവില് സൈനിക ക്യാമ്പിന് നേര്ക്ക് ഭീകരാക്രമണം; ഒരു ജവാന് കൊല്ലപ്പെട്ടു; 6 പേര്ക്ക് പരിക്ക്
ശ്രീനഗര്: ജമ്മു കശ്മീരിലെ ദോഡ ജില്ലയില് സൈനിക ക്യാമ്പിന് നേര്ക്ക് ഭീകരാക്രമണം. തുടര്ന്നുണ്ടായ ഏറ്റുമുട്ടലില് ഒരു സിആര്പിഎഫ് ജവാന് കൊല്ലപ്പെട്ടു. ഭീകരര് നടത്തിയ വെടിവെപ്പില് അഞ്ച് സൈനികര്ക്കും ഒരു സ്പെഷല് പൊലീസ് ഓഫീസര്ക്കും പരിക്കേറ്റിട്ടുണ്ട്. ഭീകരരും സൈന്യവും തമ്മില് ഏറ്റുമുട്ടല് തുടരുകയാണെന്നാണ് റിപ്പോര്ട്ട്. പ്രദേശം സൈന്യം വളഞ്ഞിരിക്കുകയാണ്. അതിനിടെ സൈനിക ക്യാമ്പിന് നേര്ക്കുണ്ടായ ആക്രമണത്തിന്റെ ഉത്തരവാദിത്തം ഭീകരസംഘടനയായ ജെയ്ഷെ മുഹമ്മദുമായി ബന്ധമുള്ള കശ്മീര് ടൈഗേഴ്സ് ഏറ്റെടുത്തു. ജമ്മുവില് കഴിഞ്ഞ മൂന്നു ദിവസത്തിനിടെ ഉണ്ടാകുന്ന മൂന്നാമത്തെ ഭീകരാക്രമണമാണിത്.