കരുവന്നൂർ കള്ളപ്പണ കേസ്; ഗോകുലം ഗോപാലനെ ചോദ്യം ചെയ്ത് ഇഡി
കൊച്ചി: കരുവന്നൂര് ബാങ്കുമായി ബന്ധപ്പെട്ട കളളപ്പണ ഇടപാടു കേസില് വ്യവസായി ഗോകുലം ഗോപാലനെ ഇഡി ചോദ്യം ചെയ്തു. നാല് കോടിയുടെ ഇടപാടുമായി ബന്ധപ്പെട്ടാണ് ചോദ്യം ചെയ്യല്. ഇന്ന് രാവിലെ മുതല് ആരംഭിച്ച ചോദ്യം ചെയ്യല് ഉച്ചയ്ക്ക് ശേഷവും തുടരും. കൊച്ചിയിലെ എന്ഫോഴ്സ്മെന്റ് ഡയറക്ടറേറ്റ് ഓഫീസില് വച്ചാണ് ചോദ്യം ചെയ്യല്. ഇന്ന് ഹാജരാകാന് ഗോകുലം ഗോപാലന് സമന്സ് അയച്ചിരുന്നു. ബാങ്കിലെ ഡെയ്ലി ഡെപ്പോസിറ്റ് സ്കീമുമായി ബന്ധപ്പെട്ടും കേസിലെ പ്രതികളുമായുള്ള ഇടപാടുകളെ സംബന്ധിച്ചുമാണ് ചോദ്യം ചെയ്യല് എന്നാണ് റിപ്പോര്ട്ടുകള്.