ബ്രിട്ടനിൽ ജനിതകമാറ്റം സ്​ഥിരീകരിച്ച ​കൊറോണ വൈറസ്​ വ്യാപിക്കുന്ന സാഹചര്യത്തിൽ യു.കെയിൽനിന്ന്​ ഇന്ത്യയിലേക്കുള്ളതും തിരിച്ചുമുള്ള വിമാനങ്ങളുടെ വിലക്ക്​ തുടരും. ഡിസംബർ 31 വരെയുണ്ടായിരുന്ന വിലക്ക്​ ജനുവരി ഏഴുവരെയാണ്​ നീട്ടിയത്​. ജനുവരി ഏഴിന്​ ശേഷം കർശന നിയന്ത്രണങ്ങളോടെ വിമാന സർവിസ്​ പുനരാരംഭിക്കുമെന്നും വിശദാംശങ്ങൾ പിന്നീട്​ അറിയിക്കുമെന്നും വ്യോമയാനമന്ത്രി ഹർദീപ്​ സിങ്​ പുരി ട്വീറ്റ്​ ചെയ്​തു.​ബ്രിട്ടനിൽ ജനിതകമാറ്റം സംഭവിച്ച കൊറോണ വൈറസ്​ വ്യാപിക്കുന്ന സാഹചര്യത്തിൽ ഡിസംബർ 31 വരെയായിരുന്നു വിമാനവിലക്ക്​ ഏർപ്പെടുപെടുത്തിയത്.