കോഴിക്കോട് മുക്കം അഗസ്ത്യന് മുഴിയിലെ മാര്ക്കറ്റില് നിന്ന് പഴയ മത്സ്യങ്ങള് ഭക്ഷ്യ സുരക്ഷാ വിഭാഗം പിടികൂടി. മത്സ്യം വാങ്ങിയവരുടെ പരാതിയെ തുടര്ന്ന് നടത്തിയ പരിശോധനയിലാണ് പഴകിയ പുഴുവരിച്ച മത്സ്യം പിടികൂടിയത്. ഭക്ഷ്യസുരക്ഷാ വകുപ്പ് ഉദ്യോഗസ്ഥരും മുക്കം നഗരസഭ ആരോഗ്യ വിഭാഗം ഉദ്യോഗസ്ഥരുമാണ് പരിശോധന നടത്തിയത്. മത്സ്യ കടയ്ക്ക് ഫുഡ് സേഫ്റ്റി ലൈസന്സ് ഇല്ല. കട അടച്ചുപൂട്ടാന് ഉദ്യോഗസ്ഥ നിര്ദ്ദേശം നല്കി.
പേരാമ്പ്ര മത്സ്യ മാര്ക്കറ്റിലുണ്ടായ സംഘര്ഷത്തെ തുടര്ന്ന് ഇനിയൊരുത്തരവ് ഉണ്ടാകുന്നത് വരെ മാര്ക്കറ്റ് അടച്ചിടാന് ജില്ലാ കളക്ടര് സാംബശിവ റാവു ഉത്തരവിട്ടു. കോവിഡ് പശ്ചാത്തലത്തിലാണ് ഉത്തരവ്. പഞ്ചായത്തിലെ അഞ്ച് വാര്ഡുകളിലും മത്സ്യമാര്ക്കറ്റിലും നാലോ അതിലധികമോ ആളുകള് ഒത്തുചേരുന്നത് സിആര്പിസി 144 പ്രകാരം നിരോധിച്ചു. സംഘര്ഷത്തില് ഏര്പ്പെട്ട മുഴുവന് ആളുകളുടെയും പട്ടിക തയാറാക്കാന് റൂറല് പൊലിസ് മേധാവിക്ക് നിര്ദേശം നല്കി. പ്രദേശത്ത് ഉണ്ടായിരുന്ന മുഴുവന് ആളുകളും റൂം ക്വാറന്റീനില് പ്രവേശിക്കണം.ഇക്കാര്യത്തില് പൊലീസിന്റെ കര്ശന നിരീക്ഷണവും ഉണ്ടാവും. സംഘര്ഷത്തില് ഏര്പ്പെട്ട മുഴുവന് […]
