എന്റിക്ക ലെക്സി കടല്ക്കൊല കേസ് ഒത്തുതീര്പ്പായി; ആകെ നല്കേണ്ടത് 10 കോടി രൂപ
മലയാളി മത്സ്യത്തൊഴിലാളി ഉള്പ്പെടെ രണ്ടുപേരെ ഇറ്റാലിയന് നാവികര് വെടിവച്ചുകൊന്ന എന്റിക്ക ലെക്സി കടല്ക്കൊലക്കേസ് ഒത്തുതീര്പ്പായി. മൊത്തം 10 കോടി രൂപ നഷ്ടപരിഹാരമായി നല്കി കേസ് ഒത്തുതീര്പ്പാക്കാന് ധാരണയായെന്ന് വിദേശകാര്യ മന്ത്രാലയം സത്യവാങ്മൂലത്തിലൂടെ സുപ്രീം കോടതിയെ അറിയിച്ചു. കൊല്ലപ്പെട്ടവരുടെ കുടുംബങ്ങള്ക്ക് നാലുകോടി രൂപ വീതവും ബോട്ടുടമയ്ക്ക് 2 കോടിയും നല്കാമെന്ന് ഇറ്റലി വ്യക്തമാക്കിയ പശ്ചാത്തലത്തിലാണിത്. കൊല്ലപ്പെട്ടവരുടെ കുടുംബങ്ങളുമായി ഇക്കാര്യത്തില് ധാരണയായെന്ന് അധികൃതര് അറിയിച്ചു. രാജ്യാന്തര ട്രൈബ്യൂണല് വിധിയുടെ പശ്ചാത്തലത്തില് ജൂലൈ 8നാണ് കേസ് സുപ്രീം കോടതി അവസാനം പരിഗണിച്ചത്. […]