യുഡിഎഫ്.സ്വതന്ത്ര സ്ഥാനാർത്ഥി ദിനേശ് പെരുമണ്ണയുടെ വിജയത്തിനായി കുന്ദമംഗലം ഗ്രാമ പഞ്ചായത്തിലെ ത്രിതല മെമ്പർമാർ പഞ്ചായത്തിലെ വിവിധ കോളനികൾസന്ദർശിച്ചു. വളളിയാട്ടുമ്മൽ കോളനിയിൽ ബ്ലോക്ക് പഞ്ചായത്ത് പ്രസിഡണ്ട് ബാബു നെല്ലൂളി ഉദ്ഘാടനം ചെയ്തു. ജില്ലാ പഞ്ചായത്തംഗം എം ധനീഷ് ലാൽ, ഗ്രാമ പഞ്ചായത്തംഗങ്ങളായ കെ.കെ.സി നൗഷാദ്, ഷൈജ വളപ്പിൽ, പി.കൗലത്ത്, യു സി ബുഷ്റ, ലീന വാസുദേവൻ, ജിഷ ചോലക്കമണ്ണിൽ, സമീറ അരീപ്രത്ത് , അംബികാദേവി, ഫാത്തിമ ജസ്ലിൻ എന്നിവർ പങ്കെടുത്തു.

അഴിമതിയിലും സ്വജനപക്ഷപാതത്തിലും മുങ്ങികുളിച്ച് ജനദ്രോഹത്തിൽ കേന്ദ്ര സർക്കാരിനോടു മത്സരിക്കുന്ന ഇടത് പക്ഷത്തിനെതിരെ ഉണ്ടാകുമെന്നു ഉറപ്പായ ജനവിധി വോട്ടർ പട്ടികയിൽ ക്രമക്കേട് നടത്തിയും പെയ്ഡ് സർവ്വേകളിലൂടെയും അട്ടിമറിക്കാൻ ശ്രമിക്കുകയാണെന്ന് എസ്.ടി.യു ദേശീയ പ്രസിഡന്റ് അഡ്വ. എം.റഹ്മത്തുള്ള പറഞ്ഞു. ഈസ്റ്റ് കാരന്തൂരിൽ യു.ഡി.എഫ് സ്ഥാനാർത്ഥി ദിനേശ് പെരുമണ്ണയുടെ കുന്ദമംഗലം പഞ്ചായത്ത്തല പര്യാടന പരിപാടി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ഇടത് പക്ഷത്തെ ജനം തിരിച്ചറിഞ്ഞിരിക്കുന്നുവെന്നും യു.ഡി. എഫ് തിരഞ്ഞെടുപ്പ് പ്രചാരണങ്ങളിൽ കാണുന്ന വമ്പിച്ച ജന പിന്തുണ ഇതിന്റെ ഭാഗമാണെന്നും അദ്ദേഹം […]