വിവിധ ആവശ്യങ്ങൾ ഉന്നയിച്ച്​ ഡൽഹി എയിംസിൽ നഴ്​സുമാർ നടത്തിവരുന്ന സമരം ശക്തിപ്രാപിക്കുന്നു.കേന്ദ്രസർക്കാർ ചർച്ച നടത്തി പരിഹാരം കാണണമെന്നാണ്​ നഴ്​സുമാരുടെ ആവശ്യം. സമരത്തിനിടെയുണ്ടായ സംഘർഷത്തിൽ മലയാളി നഴ്​സുമാർ ഉൾപ്പെടെ നിരവധിപേർക്ക്​ പരിക്കേറ്റു. പൊലീസ്​ ബാരിക്കേഡ്​ മറിഞ്ഞുവീണ്​ ഒരു നഴ്​സിന്​ പരിക്കേൽക്കുകയും​ ചെയ്​തു.പൊലീസും സമരക്കാരും തമ്മിൽ ഉന്തും തള്ളും വാക്കേറ്റവുമുണ്ടായി. പൊലീസ്​ സമരം ചെയ്യുന്ന സ്​ഥലത്തെത്തി നഴ്​സുമാരെ നീക്കാൻ ശ്രമിച്ചതാണ്​ സംഘർഷത്തിന്​ കാരണം. ആറാം ശമ്പള പരിഷ്​കരണ കമീഷൻ നിർദേശിച്ച ശമ്പളം നൽകുക തുടങ്ങിയ ആവശ്യങ്ങൾ ഉന്നയിച്ചാണ്​ നഴ്​സുമാരുടെ സമരം. […]

ദില്ലിയിലെ ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസിൽ നഴ്സുമാരുടെ മിന്നൽ പണിമുടക്ക്. അത്യാഹിത വിഭാഗങ്ങളടക്കം ബഹിഷ്കരിച്ചാണ് സമരം. ശമ്പളത്തിലെ അപാകത പരിഹരിക്കുക, മുടങ്ങിക്കിടക്കുന്ന അനൂകൂല്യങ്ങൾ പുനസ്ഥാപിക്കുക എന്നീ ആവശ്യങ്ങൾ മുന്നോട്ട് വച്ചാണ് സമരം നടക്കുന്നത്. ഒരു മാസം മുൻപ് മാനേജ്മെന്റിനോട് ഈ ആവശ്യങ്ങൾ നിവേദനത്തിലൂടെ അറിയിച്ചിരുന്നുവെങ്കിലും ഇത് പരിഗണിക്കാതെ വന്നതോടെയാണ് സമരമെന്ന് യൂണിയൻ നേതാക്കൾ പറഞ്ഞു.