കോവിഡ് 19 പശ്ചാത്തലത്തില്‍ കോഴിക്കോട് ജില്ലയില്‍ കണ്ടെയിന്‍മെന്റ് സോണ്‍ ആയി പ്രഖ്യാപിച്ചിരുന്ന തൂണേരി, പുറമേരി, മാവൂര്‍, ഒളവണ്ണ പഞ്ചായത്തുകളെ പട്ടികയില്‍ നിന്നും ഒഴിവാക്കിയതായി ജില്ലാ കലക്ടര്‍ സാംബശിവ റാവു അറിയിച്ചു. രോഗികളുടെ പരിശോധന ഫലം നെഗറ്റീവ് ആവുകയും രോഗികളുമായി നേരിട്ട് സമ്പര്‍ക്കം ഉള്ളവരുടെ കോവിഡ് പരിശോധനാ ഫലം നെഗറ്റീവ് ആവുകയും ചെയ്ത സാഹചര്യത്തില്‍ ഈ പഞ്ചായത്തുകളില്‍ രോഗ പകര്‍ച്ചയില്ലെന്ന് കണ്ടെത്തിയതിനാലാണ് ഈ നാല് ഗ്രാമപഞ്ചായത്തുകളേയും കണ്ടെയിന്‍മെന്റ് സോണില്‍ നിന്നും ഒഴിവാക്കിയത്.

ഒളവണ്ണ: ഒളവണ്ണ ഗ്രാമപഞ്ചായത്തിനെ കണ്ടെയ്ൻമെൻറ് സോണായി പ്രഖ്യാപിച്ചു. ജില്ല കലക്ടർ ആണ് ഇതുസംബന്ധിച്ച് ഉത്തരവ് പുറപ്പെടുവിച്ചത്. ഗ്രാമപഞ്ചായത്തിലെ വ്യക്തികൾക്ക് കോവിഡ് സ്ഥിരീകരിക്കുകയും ഇവർ പലരുമായും സമ്പർക്കം പുലർത്തുകയും ചെയ്തു എന്ന വിവരത്തിൻ്റെ അടിസ്ഥാനത്തിലാണ് ഉത്തരവ്.  ഗ്രാമപഞ്ചായത്ത് പരിധിയിലെ ആളുകൾ അടിയന്തിര വൈദ്യസഹായത്തിനോ അവശ്യ വസ്തുക്കൾ വാങ്ങുവാനോ അല്ലാതെ വീടിനു പുറത്തിറങ്ങുന്നതും പുറത്തുള്ളവർ ഗ്രാമപഞ്ചായത്ത് പരിധിയിലേക്ക് പ്രവേശിക്കുന്നതും നിരോധിച്ചിട്ടുണ്ട്. മെഡിക്കൽ സ്റ്റോറുകൾ, ആശുപത്രികൾ എന്നിവ പ്രവർത്തിക്കും. അവശ്യ വസ്തുക്കൾ വിൽക്കുന്ന കടകൾ രാവിലെ എട്ടു മുതൽ വൈകുന്നേരം അഞ്ചു […]