കോഴിക്കോടും പോസ്റ്ററുകള്‍; എംകെ രാഘവന്റെ നീരാളിപ്പിടിത്തത്തില്‍ നിന്നും കോണ്‍ഗ്രസിനെ രക്ഷിക്കാന്‍ ആഹ്വാനം
ഡിസിസി അധ്യക്ഷ പട്ടിക വിവാദത്തില്‍ കോഴിക്കോടും പ്രതിഷേധവുമായി പ്രവര്‍ത്തകര്‍. എം.കെ രാഘവന്‍ എംപിക്കും, കെ. പ്രവീണ്‍കുമാറിനുമെതിരെ കോഴിക്കോട് ഡിസിസി ഓഫിസിന് മുന്നിലാണ് പോസ്റ്റര്‍ പതിച്ച് പ്രതിഷേധം അറിയിച്ചത്. കെ. പ്രവീണ്‍ കുമാറിനെ ഡിസിസി പ്രസിഡന്റ് ആക്കാനുള്ള നീക്കത്തിനെതിരെയാണ് സേവ് കോണ്‍ഗ്രസ് എന്ന പേരില്‍ പോസ്റ്റര്‍ പതിച്ചിരിക്കുന്നത്. അഴിമതി വീരനെയല്ല സത്യസന്ധനായ പ്രസിഡന്റിനെയാണ് കോഴിക്കോട്ടെ കോണ്‍ഗ്രസ് പ്രവര്‍ത്തകര്‍ക്ക് വേണ്ടതെന്നും, എം.കെ രാഘവന്റെ നീരാളിപ്പിടിത്തത്തില്‍ നിന്ന് കോണ്‍ഗ്രസിനെ രക്ഷിക്കണമെന്നും പോസ്റ്ററില്‍ പറയുന്നു.