അബിഗേല് സാറ റെജി ആശുപത്രി വിട്ടു; ഇനി വീട്ടിലേക്ക്; കുട്ടിയുടെ ആരോഗ്യനില പൂര്ണ്ണ തൃപ്തികരമെന്ന് ആശുപത്രി അധികൃതര്
കൊല്ലം: ഓയൂരില് അജ്ഞാത സംഘം തട്ടിക്കൊണ്ടുപോയ ആറുവയസ്സുകാരി അബിഗേല് സാറ റെജി ആശുപത്രി വിട്ടു. ആശുപത്രിയില് നിന്ന് ഡിസ്ചാര്ജ് ചെയ്ത കുട്ടിയെ വീട്ടിലേക്ക് കൊണ്ടുപോകും. കുട്ടിയുടെ ആരോഗ്യനില പൂര്ണ്ണ തൃപ്തികരമെന്ന് ആശുപത്രി അധികൃതര് വ്യക്തമാക്കി. പരിശോധനകളും കൗണ്സിലിംഗും കഴിഞ്ഞ ദിവസം തന്നെ പൂര്ത്തിയായിരുന്നു. എന്നാല് പൊലീസ് മൊഴിയെടുക്കുന്നത് ഉള്പ്പെടെ തുടര്ന്നതിനാലാണ് ഇന്നലെ ഡിസ്ചാര്ജ് ചെയ്യാതിരുന്നത്. വീട്ടിലേക്ക് എത്തുമ്പോള് സ്വാഭാവികമായും തിരക്കുണ്ടാകും. ആ തിരക്കിനിടയില് കുട്ടിയോട് സംസാരിക്കുന്നതില് ബുദ്ധിമുട്ടുണ്ടാകുമെന്ന് പൊലീസ് അറിയിച്ചിരുന്നു. വീട്ടില് പോകണമെന്ന് അബിഗേലും നിര്ബന്ധം പിടിച്ചിരുന്നു. […]
