കോട്ടയത്ത് ബസിൽ നിന്നും വിദ്യാർത്ഥി തെറിച്ചുവീണ സംഭവം; ബസ് പിടിച്ചെടുത്ത് പോലീസ്, ഡ്രൈവർക്കെതിരെ നടപടി
കോട്ടയത്ത് ഓടിക്കൊണ്ടിരുന്ന സ്വകാര്യ ബസിൽ നിന്ന് വിദ്യാർത്ഥി തെറിച്ചുവീണ സംഭവത്തിൽ നടപടിയുമായി പൊലീസും മോട്ടോർ വാഹന വകുപ്പും. അപകടമുണ്ടാക്കിയ ബസ് പൊലീസ് പിടിച്ചെടുത്തു. ഡ്രൈവറുടെ ലൈസൻസ് റദ്ദാക്കുമെന്ന് കോട്ടയം ആർടിഒ വ്യക്തമാക്കി. രണ്ട് കേസുകളാണ് ബസിനെതിരെ രജിസ്റ്റർ ചെയ്തിട്ടുള്ളത്. വാഹനത്തിന്റെ, ഡ്രൈവർ നിയന്ത്രിക്കുന്ന ഓട്ടോമാറ്റിക് ഡോർ തുറന്നിട്ടതിന് ബസുടമയ്ക്കെതിരെ കേസെടുക്കും. അമിത വേഗതയിൽ ബസോടിച്ചതിനാണ് മറ്റൊരു കേസ്. ഉച്ചയോടെ ചിങ്ങവനം പൊലീസ് കുട്ടിയുടെയും പിതാവിന്റെയും വീട്ടിലെത്തി മൊഴിയെടുത്തിരുന്നു. ഇതിന് പിന്നാലെയാണ് കൈനടി കോട്ടയം റൂട്ടിലോടുന്ന ചിപ്പി എന്ന […]