കുതിരക്ക് ബി.ജെ.പി പതാകയുടെ പെയിന്റടിച്ച സംഭവത്തില്‍ ഇന്‍ഡോര്‍ പോലീസില്‍ മനേക ഗാന്ധിയുടെ സന്നദ്ധ സംഘടന പരാതി നല്‍കി. പുതിയ കേന്ദ്രമന്ത്രിമാരെ ജനങ്ങള്‍ക്ക് പരിചയപ്പെടുത്താനെന്ന പേരില്‍ 22 സംസ്ഥാനങ്ങളിലൂടെ നടത്തുന്ന ജന്‍ ആശീര്‍വാദ യാത്രക്കായാണ് കുതിരക്ക് പെയിന്റടിച്ചത്. ബി.ജെ.പി. എം.പി. മനേക ഗാന്ധിയുടെ എന്‍.ജി.ഒ. ആയ പി.എഫ്.എ. ആണ് പരാതി നല്‍കിയത്. മൃഗങ്ങളോടുള്ള ക്രൂരത തടയുന്ന 1960-നിയമപ്രകാരമാണ് എഫ്‌.ഐ.ആര്‍. രജിസ്റ്റര്‍ ചെയ്തിട്ടുള്ളത്.