പത്മജയുടെ ഭര്‍ത്താവിനെ ഇ.ഡി ചോദ്യം ചെയ്തിരുന്നു; ഇ.ഡിയെ പേടിച്ചാണ് പത്മജ ബിജെപിയില്‍ ചേരുന്നതെന്ന് ബിന്ദു കൃഷ്ണ
തിരുവനന്തപുരം: പത്മജയുടെ ഭര്‍ത്താവിനെ എന്‍ഫോഴ്‌സ്‌മെന്റ് ഡയറക്ടറേറ്റ് (ഇ.ഡി) ചോദ്യം ചെയ്തിരുന്നുവെന്നും ഇതിനാലാണ് പത്മജ ബി.ജെ.പിയില്‍ പോകുന്നതെന്നും കോണ്‍ഗ്രസ് നേതാവ് ബിന്ദു കൃഷ്ണ. പത്മജക്ക് പാര്‍ട്ടി എല്ലാ അംഗീകാരവും നല്‍കിയതാണെന്നും അവര്‍ ബി.ജെ.പിയില്‍ ചേരുന്നത് നിര്‍ഭാഗ്യകരമാണെന്നും ബിന്ദു പറഞ്ഞു. എന്നാല്‍, ബിന്ദുവിന്റെ ആരോപണം അസംബന്ധമെന്ന് പത്മജയുടെ ഭര്‍ത്താവ് ഡോ. വേണുഗോപാല്‍ പറഞ്ഞു. തന്നെ ഒരു കാലത്തും ഇ.ഡി ചോദ്യം ചെയ്തിട്ടില്ലെന്നും അദ്ദേഹം പറഞ്ഞു.
