പനമരം: മാനന്തവാടി നഗരസഭയുടേയും, വെള്ളമുണ്ട പഞ്ചായത്തിന്റേയും വിവിധ ഭാഗങ്ങളിലെ ജനവാസ മേഖലകളില്‍ ഭീതി വിതച്ച കരടി നിലവില്‍ പനമരത്തെത്തിയതായി സൂചന. നാട്ടുകാരില്‍ ചിലര്‍ പുലര്‍ച്ചെ കരടിയെ കണ്ടതായി പറയുന്നു. കൂടാതെ കീഞ്ഞുകടവ് റോഡിലൂടെ കരടി പോകുന്ന ദൃശ്യം സിസിടിവിയില്‍ പതിഞ്ഞിട്ടുണ്ട്. കൂടാതെ ഇവിടെ കരടിയുടെ കാല്‍പ്പാടുകളും കണ്ടെത്തിയിട്ടുണ്ട്. ഈ മേഖല കേന്ദ്രീകരിച്ച് വനപാലകര്‍ പരിശോധന നടത്തുകയാണ്.

മാനന്തവാടി : വയനാട് മാനന്തവാടിയില്‍ കരടിയിറങ്ങി. വള്ളിയൂര്‍ക്കാവിനു സമീപം പുലര്‍ച്ചെ രണ്ടുമണിയോടെയാണ് കരടിയുടെ സാന്നിധ്യം സ്ഥിരീകരിച്ചത്. സ്വകാര്യവ്യക്തിയുടെ വീട്ടില്‍സ്ഥാപിച്ച സിസിടിവിയിലാണ് കരടിയുടെ ദൃശ്യം പതിഞ്ഞത്. ഇതോടെ രാത്രി വൈകിയും വനപാലകര്‍ പ്രദേശത്ത് തിരച്ചില്‍ നടത്തി. ഇതിന് മുന്‍പുള്ള ദിവസവും രാത്രിയും കരടി എത്തിയെന്ന് നാട്ടുകാര്‍ പറയുന്നു. ജനങ്ങള്‍ ജാഗ്രത പാലിക്കണമെന്ന് വനംവകുപ്പ് ഉദ്യോഗസ്ഥര്‍ അറിയിച്ചു.

തിരുവനന്തപുരം: തിരുവനന്തപുരം വെള്ളനാട് കിണറ്റിൽ വീണ കരടി ചത്ത സംഭവത്തില്‍ പീപ്പിൾ ഫോർ ആനിമൽ കോടതിയിലേക്ക്. പീപ്പിൾ ഫോർ ആനിമൽ തിരുവനന്തപുരം ചാപ്റ്റർ നാളെ ഹൈക്കോടതിയെ സമീപിക്കും. ചട്ടങ്ങൾ ലംഘിച്ചുള്ള മയക്ക് വെടിയിൽ ഉത്തരവാദിത്തപ്പെട്ടവർക്കെതിരെ നടപടി വേണം എന്ന ആവിശ്യമുന്നയിച്ചാണ് കോടതിയെ സമീപിക്കുന്നത്. പ്രാഥമിക നടപടിക്രമങ്ങൾ പോലും പാലിക്കാതെയാണ് കരടിയെ മയക്ക് വെടിവച്ചത് എന്നാണ് പീപ്പിൾ ഫോർ ആനിമൽ വിലയിരുത്തുന്നത്. കിണറ്റിൽ വീണപുറത്തെത്തിക്കാനുള്ള വനം വകുപ്പ് ദൗത്യം പാളിയതോടെ വെള്ളത്തിൽ മുങ്ങിയാണ് കരടി ചത്തത്. മയക്കുവെടിയേറ്റ കരടിയെ […]

തിരുവനന്തപുരം: തിരുവനന്തപുരം വെള്ളനാട് കിണറ്റില്‍ വീണ കരടിയെ മയക്കുവെടിവെച്ച് രക്ഷപെടുത്താനുള്ള നീക്കം പിഴക്കുന്നു. മയക്കുവെടിയേറ്റ കരടി മയങ്ങി കിണറ്റിലെ വെള്ളത്തില്‍ മുങ്ങിയ സാഹചര്യത്തിൽ കരടിയുടെ ജീവൻ നിലനിൽക്കുന്ന കാര്യത്തിൽ വലിയ ആശങ്കയാണ് ഉടലെടുക്കുന്നത്. ഏകദേശം 4 മീറ്ററോളം താഴ്ചയിലാണ് കരടി മുങ്ങി കിടക്കുന്നതെന്നാണ് വനം വകുപ്പ് വ്യക്തമാക്കുന്നത്. ശ്വാസകോശത്തില്ലേക്ക് വെള്ളം കടക്കാൻ ഇടയായാൽ കരടിയുടെ ജീവൻ അധിക സമയം നിലനിൽക്കില്ല എന്നാണ് വിദഗ്ദ്ധർ അഭിപ്രായപ്പെടുന്നത്. കരടി പൂർണ്ണ ആരോഗ്യവാൻ അല്ലെങ്കിൽ ജീവൻ തിരിച്ച് കിട്ടുന്ന കാര്യത്തിൽ സംശയമാണെന്നും […]