ബൈജൂസിൽ നിന്നും വീണ്ടും കൊഴിഞ്ഞുപോക്ക്; സി.എഫ്.ഒ അജയ് ഗോയല് രാജിവെച്ചു
ബൈജൂസിന്റെ ചീഫ് ഫിനാന്ഷ്യല് ഓഫീസര് (സി.എഫ്.ഒ) അജയ് ഗോയല് രാജിവെച്ചു. ബൈജൂസില് ചേര്ന്ന് ആറ് മാസത്തിനുള്ളിലാണ് അജയ് ഗോയൽ കമ്പനി വിടുന്നത്. പ്രമുഖ എന്ട്രന്സ് പരിശീലന സ്ഥാപനമായ ആകാശിനെ എറ്റെടുക്കുന്നതില് നിര്ണാകയ പങ്കുവഹിച്ചത് അദ്ദേഹമായിരുന്നു. ഗ്രേറ്റ് ലേണിങ്, എപിക് എന്നിവ വില്ക്കുന്നതു സംബന്ധിച്ചും ചര്ച്ചകള് നടക്കുന്നതിനിടെയാണ് അദ്ദേഹത്തിന്റെ രാജി. 2021-22 സാമ്പത്തിക വര്ഷത്തെ പ്രവര്ത്തന ഫലങ്ങള് കമ്പനി ഇതുവരെ ഫയല് ചെയ്തിട്ടില്ല. വായ്പ തിരിച്ചടവിന് മൂലധനം സ്വരൂപിക്കാനുള്ള തിരക്കിട്ട നീക്കത്തിലുമായിരുന്നു കമ്പനി.നിലവില് ഫിനാന്സ് വിഭാഗം പ്രസിഡന്റായിരുന്ന നിതിന് […]