കണ്ണൂര് കല്യാട്ടെ 30 പവന് മോഷണം പോയ വീട്ടിലെ മരുമകള് കര്ണാടകയിലെ ലോഡ്ജില് കൊല്ലപ്പെട്ട നിലയില്: സുഹൃത്ത് അറസ്റ്റില്
കണ്ണൂര്: കഴിഞ്ഞ ദിവസം 30 പവന് സ്വര്ണം മോഷണം പോയ വീട്ടിലെ മരുമകളെ ലോഡ്ജില് മരിച്ച നിലയില് കണ്ടെത്തി. കല്യാട് ചുങ്കസ്ഥാനം സ്വദേശി എ പി സുഭാഷിന്റെ ഭാര്യ ദര്ഷിത(22)യെയാണ് കൊല്ലപ്പെട്ട നിലയില് കണ്ടെത്തിയത്. ഇവരുടെ കൂടെയുണ്ടായിരുന്ന സുഹൃത്ത് സിദ്ധരാജു(22)വിനെ സാലിഗ്രാം പൊലീസ് അറസ്റ്റ് ചെയ്തു. പെരിയപട്ടണം സ്വദേശിയാണ് സിദ്ധരാജു. സാലിഗ്രാമിലെ ലോഡ്ജില്വെച്ച് ദര്ഷിതയും സുഹൃത്തും തമ്മില് വാക്കു തര്ക്കമുണ്ടായിരുന്നു. തുടര്ന്ന് ഇയാള് ദര്ഷിതയുടെ വായില് ഇലക്ട്രിക് ഡിറ്റനേറ്റര് തിരുകി ഷോക്കേല്പ്പിച്ചു കൊലപ്പെടുത്തുകയായിരുന്നു.