അഷ്റഫ് ഗനിയെ അഫ്ഗാനിസ്ഥാന്‍ പ്രസിഡന്റായി വീണ്ടും തിരഞ്ഞെടുത്തു. അന്‍പത് ശതമാനത്തോളം വോട്ട് നേടിയാണ് അഷ്റഫ് ഗനി തെരഞ്ഞെടുക്കപ്പെട്ടത്. നേരത്തെ അട്ടിമറി ആരോപണം ഉയര്‍ന്നതിനെ തുടര്‍ന്ന് അഞ്ച് മാസത്തോളം ഫലം തടഞ്ഞുവെച്ചതിന് ശേഷമാണ്് ഇപ്പോള്‍ പുറത്ത് വിട്ടത്. എന്നാല്‍, അഷ്റഫ് ഗനിക്കെതിരെ മത്സരിച്ച അബ്ദുള്ള അബ്ദുള്ള ജയം അവകാശപ്പെട്ടു. അഫ്ഗാനിസ്ഥാനില്‍ സമാന്തര സര്‍ക്കാര്‍ രൂപീകരിക്കുമെന്നും അബ്ദുള്ള അബ്ദുള്ള പറഞ്ഞു. മൂന്നുലക്ഷം വോട്ടുകളെച്ചൊല്ലിയാണ് അബ്ദുള്ളയുടെ ഓഫീസ് പരാതിയുന്നയിക്കുന്നത്.