മുതിര്ന്ന ബി.ജെ.പി നേതാവ് എല്.കെ അദ്വാനിയെ ആശുപത്രിയില് പ്രവേശിപ്പിച്ചു
ന്യൂഡല്ഹി: മുതിര്ന്ന ബിജെപി നേതാവ് ലാല് കൃഷ്ണ അദ്വാനിയെ ഡല്ഹിയിലെ ഓള് ഇന്ത്യ ഇന്സ്റ്റിറ്റ്യൂട്ട് ഓഫ് മെഡിക്കല് സയന്സസില് (എഐഐഎം) ആശുപത്രിയില് പ്രവേശിപ്പിച്ചു. വാര്ധക്യ സഹജമായ അസുഖങ്ങളെ തുടര്ന്നാണ് ആശുപത്രിയില് പ്രവേശിപ്പിച്ചത്. ഡല്ഹി എയിംസിലെ ജെറിയാട്രിക് വിഭാഗത്തിലെ ഡോക്ടര്മാരുടെ നിരീക്ഷണത്തിലാണ് അദ്വാനിയെന്ന് ഇന്ത്യ ടുഡേ റിപ്പോര്ട്ട് ചെയ്യുന്നു. 96 കാരനായ അദ്വാനിയുടെ ആരോഗ്യനില തൃപ്തികരമാണെന്നും സൂക്ഷ്മ നിരീക്ഷണത്തിലാണെന്നും ആശുപത്രി അധികൃതര് അറിയിച്ചു. മൂന്ന് മാസം മുന്പാണ് രാജ്യത്തെ പരമോന്നത സിവിലിയന് ബഹുമതിയായ ഭാരതരത്ന നല്കി അദ്വാനിയെ ആദരിച്ചത്.