തദ്ദേശ സ്വയംഭരണ തെരഞ്ഞെടുപ്പില്‍ ഇടതുപക്ഷ ജനാധിപത്യ മുന്നണിയുടെ പ്രകടനപത്രിക പുറത്തിറക്കി. ‘വികസനത്തിന് ഒരുവോട്ട്, സാമൂഹ്യമൈത്രിക്ക് ഒരുവോട്ട്’ എന്ന മുദ്രാവാക്യം ഉയര്‍ത്തിയാണ് ഇടതുപക്ഷം തെരഞ്ഞെടുപ്പിനെ നേരിടുക. പ്രകടന പത്രിക എല്‍ഡിഎഫ് കണ്‍വീനര്‍ എ വിജയരാഘവന്‍ പ്രകാശനം ചെയ്തു.
ജനുവരി ഒന്നുമുതൽ ക്ഷേമ പെൻഷൻ 1500 രൂപയാക്കി വർധിപ്പിക്കും,60 വയസ്സ് കഴിഞ്ഞ എല്ലാവർക്കും പെൻഷൻ, അഗതികൾക്ക് സൗജന്യ റേഷൻ , കോവിഡ് വാക്‌സിൻ ഫലപ്രദമായി ജനങ്ങളിൽ എത്തിക്കും ,കുടുംബശ്രീ അംഗത്വം 50 ലക്ഷം ആക്കി ഉയർത്തും ,കുടുംബശ്രീ വഴി 10 ലക്ഷം പേർക്ക് ലാപ്ടോപ്പ് ,തദ്ദേശ സ്ഥാപനം മുൻകൈ എടുത്ത് 10 ലക്ഷം പേർക്ക് തൊഴിൽ നൽകും,കുടുംബശ്രീ വഴി 3 ലക്ഷം പേർക്ക് തൊഴിൽ നൽകും ,മുതലായ തിരഞ്ഞെടുപ്പ് വാഗ്ദാനങ്ങളുമായാണ് എൽ ഡി എഫ് പ്രകടന പത്രിക സമർപ്പിച്ചത്.
