ക്രിസ്റ്റഫര് നോളന്റെ പുതിയ മിസ്റ്ററി ചിത്രത്തില് സ്പൈഡര്മാന് താരം ടോം ഹോളണ്ടും ഇന്റര്സ്റ്റെല്ലാര് താരം മാറ്റ് ഡേമണും പ്രധാന വേഷത്തില് എത്തുന്നു. യൂണിവേഴ്സല് പിക്ചേഴ്സ് വിതരണം ചെയ്യുന്ന ചിത്രത്തിന്റെ തിരക്കഥ ക്രിസ്റ്റഫര് നോളനാണ് നിര്വഹിക്കുന്നത്.
2026 ജൂലൈ 17 ന് റിലീസ് ചെയ്യാനിരിക്കുന്ന ഈ ചിത്രത്തെക്കുറിച്ച് കൂടുതല് വിവരങ്ങള് പുറത്തുവന്നിട്ടില്ലെങ്കിലും ഇത് ഒരു പിരീയിഡ് ഡ്രാമയാണ് എന്നാണ് ചില ഹോളിവുഡ് മാധ്യമങ്ങള് നല്കുന്ന സൂചന. സിന്കോപ്പി ബാനര്, എമ്മ തോമസിനൊപ്പം ചേര്ന്നാണ് ചിത്രം നിര്മ്മിക്കുന്നത്. ക്രിസ്റ്റഫര് നോളന്റെ ഭാര്യയും പ്രൊഡക്ഷന് പാര്ട്ണറുമാണ് എമ്മ തോമസ്.
ഓപ്പണ്ഹൈമറായിരുന്നു ക്രിസ്റ്റഫര് നോളനും യൂണിവേഴ്സല് പിക്ചേഴ്സും ഒന്നിച്ച ആദ്യ ചിത്രം.ആഗോളതലത്തില് 8200 കോടി ഡോളര് സമ്പാദിച്ച ചിത്രത്തിന്റെ സംവിധാനത്തിന് നോളന് മികച്ച സംവിധായകനുള്ള ഓസ്കാറും ലഭിച്ചു.
