കട്ടപ്പന: 16 കാരിയെ പീഡിപ്പിച്ച സംഭവത്തില് രണ്ടു പേരെ ഉപ്പുതറ പൊലീസ് അറസ്റ്റു ചെയ്തു. ഉപ്പുതറ അയ്യപ്പല് കോവില് നാലകത്ത് മന്സൂര് അലി (47) , ലോണ്ട്രി ചാലുങ്കല് ശ്രീകുമാര് എന്ന സുനില് (38) എന്നിവരെയാണ് അറസ്റ്റു ചെയ്തത്.
മൂന്നാം പ്രതി സാബു വിദേശത്താണ്. ഇയാളെ നാട്ടിലെത്തിച്ച് അറസ്റ്റു ചെയ്യാനുള്ള ശ്രമം പൊലീസ് തുടങ്ങിയിട്ടുണ്ട്. മൂന്നു പേരും സുഹൃത്തുക്കളാണ്. 2022, 2023 വര്ഷങ്ങളിലാണ് പ്രതികള് പെണ്കുട്ടിയെ ശാരീരികമായി പീഡിപ്പിച്ചത്. സ്കൂളില് നടന്ന കൗണ്സലിങ്ങിലാണ് പീഡന വിവരം പറഞ്ഞത്. അധ്യാപകരുടെ നിര്ദേശ പ്രകാരം പെണ്കുട്ടി ഉപ്പുതറ പൊലീസില് പരാതി നല്കി. തുടര്ന്നു നടത്തിയ അന്വേഷണത്തിലാണ് പ്രതികള് പിടിയിലായത്.
