കേന്ദ്ര കാര്ഷിക നിയമങ്ങള്ക്ക് എതിരെ പ്രമേയം അവതരിപ്പിച്ച് മുഖ്യമന്ത്രി പിണറായി വിജയന്.വില തകര്ച്ചയും കര്ഷക ആത്മഹത്യയും വലിയ പ്രശ്നമാണ്. രാജ്യ തലസ്ഥാനം ഐതിഹാസിക പ്രക്ഷോഭത്തിന് സാക്ഷ്യം വഹിക്കുകയാണ്,കേന്ദ്ര നിയമം കര്ഷക രംഗത്ത് വലിയ പ്രത്യാഘാതങ്ങള് സൃഷ്ടിക്കും. കേന്ദ്ര നിയമ ഭേദഗതി കോര്പറേറ്റുകള്ക്ക് വേണ്ടി മാത്രമുള്ളതെന്നും മുഖ്യമന്ത്രി ചൂണ്ടിക്കാട്ടി. കര്ഷക പ്രക്ഷോഭം തുടര്ന്നാല് അത് കേരളത്തെ വലിയ രീതിയില് ബാധിക്കും. കര്ഷകര്ക്ക് ന്യായ വില നല്കാനുള്ള ഉത്തരവാദിത്തത്തില് നിന്ന് സര്ക്കാര് ഒഴിഞ്ഞുവെന്നും മുഖ്യമന്ത്രി പറഞ്ഞു.
അതേസമയം സമാനതകളില്ലാത്ത സാഹചര്യത്തിലാണ് സഭ സമ്മേളിക്കുന്നതെന്ന് സ്പീക്കര് പി രാമകൃഷ്ണന് വ്യക്തമാക്കി. നിയമസഭകള്ക്ക് ഇടപെടാനുള്ള ബാധ്യതയുണ്ട്. മുഖ്യമന്ത്രി അവതരിപ്പിച്ച പ്രമേയത്തില് പ്രതിപക്ഷം ഭേദഗതി ആവശ്യപ്പെട്ടു.
കേരളാ കോണ്ഗ്രസ് എം ജോസ് വിഭാഗം ഇടതുമുന്നണിയിലെത്തിയ ശേഷമുള്ള ആദ്യ സഭാ സമ്മേളനമാണ് ഇന്നത്തേത്. പ്രമേയത്തെ എതിര്ക്കുമെന്ന് ബിജെപിയുടെ ഏക അംഗമായ ഒ. രാജഗോപാല് വ്യക്തമാക്കിയിരുന്നു.
