നെല്ല് സംഭരണ വിഷയത്തില് പറഞ്ഞ നിലപാടില് ഉറച്ച് നില്ക്കുന്നതായി നടന് ജയസൂര്യ.ഏതെങ്കിലും രാഷ്ട്രീയ പാര്ട്ടിയുടെ പക്ഷം പിടിച്ചു പറയുന്നതല്ലെന്നും കര്ഷകര്ക്കൊപ്പമാണ് താനെന്നും ജയസൂര്യ പറഞ്ഞു. ആറു മാസം മുമ്പ് സംഭരിച്ച നെല്ലിന്റെ വില ഇനിയും കര്ഷകര്ക്ക് കൊടുക്കാത്തത് അനീതിയല്ലേ എന്നും ജയസൂര്യ ചോദിച്ചു. കളമശ്ശേരിയിലെ വേദിയില് എത്തിയപ്പോഴാണ് കൃഷി മന്ത്രി അവിടെ ഉണ്ടെന്ന കാര്യം അറിഞ്ഞത്. കര്ഷകരുടെ വിഷയം വേദിയില് പറയാതെ നേരിട്ട് പറഞ്ഞാല് അത് ലക്ഷ്യപ്രാപ്തിയില് എത്തില്ല. അതുകൊണ്ടാണ് വേദിയില് തന്നെ പറയാന് തീരുമാനിച്ചതെന്നും മലയാള മനോരമ പത്രത്തില് എഴുതിയ ലേഖനത്തില് ജയസൂര്യ കുറിച്ചു.
ജയസൂര്യ പറഞ്ഞത് കർഷകരുടെ വികാരമാണെന്ന് കെ മുരളീധരനും പറഞ്ഞു.ജയസൂര്യ പറഞ്ഞത് കർഷകരുടെ വികാരമാണ്. കൂപട്ടിണി സമരം നടത്തിയത് കർഷകരാണ്. ജയസൂര്യ ഒരു പാർട്ടിയുടെയും ഭാഗമല്ല. കൃഷി മന്ത്രിയുടെ സിനിമയാണ് പൊട്ടിപോയത്. മന്ത്രി കൃഷി ഇറക്കിയതല്ലാതെ കർഷകരാരും കൃഷി ഇറക്കുന്നില്ല. മന്ത്രിക്ക് വേദിയിൽ തന്നെ ജയസൂര്യക്ക് മറുപടി പറയാമായിരുന്നുവെന്നും മുരളീധരന് പറഞ്ഞു. കിറ്റ് വിതരണത്തിലൂടെ അധികാരത്തിലെത്തിയ സർക്കാരിന് ഇപ്പോൾ കിറ്റ് വിതരണം പൂർത്തിയാക്കാൻ ആയില്ല. മുഖ്യമന്ത്രിയുടെ കുടുംബത്തിന് എതിരായ ആരോപണത്തിൽ ജുഡീഷ്യൽ അന്വേഷണമാണ് വേണ്ടത്. അന്വേഷണം നടത്താൻ സർക്കാരിന് ഭയമാണ്. അച്ചു ഉമ്മനെതിരായ സൈബർ ആക്രമണത്തില് നിയമ നടപടികളുമായി മുന്നോട്ട് പോകും. അച്ചുവിനോപ്പം പാർട്ടി ഉറച്ചു നിൽക്കും. ഇത്തരം സംഭവങ്ങൾ ആവർത്തിക്കാൻ പാടില്ലെന്നും അദ്ദേഹം പറഞ്ഞു
നെല്ലിന് ആറുമാസമായിട്ടും പണം നല്കാത്തത് അനീതിയെന്ന് ജയസൂര്യ;പറഞ്ഞത് കർഷകരുടെ വികാരമെന്ന് കെ. മുരളീധരന്
