ലോകാരോഗ്യ സംഘടനയുടെ നേതൃത്വത്തിൽ എല്ലാ വർഷവും മേയ് 31നു ലോക പുകയില വിരുദ്ധ ദിനമായി ആചരിക്കുന്നു.
പുകയിലയുടെ മാരകമായ ദൂഷ്യഫലങ്ങളെപ്പറ്റി ജനങ്ങളെ ബോധവൽക്കരിക്കുക, പുകയിലഉൽപ്പന്നങ്ങൾ നിയന്ത്രിക്കാൻ സർക്കാരുകളെ പ്രേരിപ്പിക്കുക എന്നിവയാണു പുകയില വിരുദ്ധ ദിനാചരണത്തിന്റെ ലക്ഷ്യം. പുകയില ഉൽപ്പന്നങ്ങൾ ലോകത്ത് വൻകിട കുത്തക കമ്പനികളുടെ വമ്പിച്ച വരുമാന മാർഗ്ഗമാണ്. കോടിക്കണക്കിന് ഡോളറിന്റെ ഇടപാടുകളാണ് പുകയിലയും പുകയില ഉൽപ്പന്നങ്ങൾ വഴിയും നടക്കുന്നത്.
പുകയിലയുടെ പുക ശ്വസിക്കുന്നവർക്കും വലിക്കുന്നവരേക്കാൾ കൂടുതലായി രോഗം വരുത്തിവയ്ക്കുന്നു. ഇന്ന് ലോകത്ത് ഒരു ദിവസം ഏതാണ്ട് പതിനായിരം പേർ, അതായത് ഒരു വർഷം 50 ലക്ഷം പേർ പുകയിലജന്യ രോഗങ്ങൾകൊണ്ട് മരിച്ചുവീഴുന്നു എന്നാണ് കണക്കുകൾ. പുകയില ഉപയോഗത്തിന്റെ ഭാഗമായി അർബുദ രോഗ മുണ്ടാക്കുന്നു. ഹൃദ്രോഗത്തിന് കാരണമാവുന്നു. ശ്വാസകോശങ്ങളെ ബാധിക്കുന്നു. പക്ഷാഘാതത്തിന് വഴിവയ്ക്കുന്നു. ഞരമ്പ് രോഗങ്ങൾക്ക് ഇട നൽകുന്നു.ഇങ്ങനെ നിരവധിയാണ് ദൂഷ്യഫലങ്ങൾ. സ്വയം അപകടം ശരീരത്തിലേക്ക് വലിച്ചു കയറ്റാതിരിക്കുക.
