വടക്കഞ്ചേരി അപകടത്തില് കെഎസ്ആര്ടിസി ഡ്രൈവറുടെ ഭാഗത്തും വീഴ്ച ഉണ്ടെന്ന് കണ്ടെത്തി.അമിത വേഗത്തിലായിരുന്ന കെഎസ്ആര്ടിസി ബസ് പെട്ടെന്ന് വേഗത കുറയ്ക്കുകയും നടുറോഡില് നിര്ത്തുകയും ചെയ്തത് അപകടത്തിന്റെ തീവ്രത കൂട്ടിയെന്ന് നാറ്റ്പാക് അന്വേഷണ റിപ്പോര്ട്ടില് പറയുന്നു. അപകടത്തിന്റെ പ്രാഥമിക ഉത്തരവാദി ടൂറിസ്റ്റ് ബസ് ഡ്രൈവർ ആണ് കെഎസ്ആർടിസി ബസിനും ടൂറിസ്റ്റ് ബസിനും ഇടയിലുണ്ടായിരുന്ന കാറിന്റെ ഭാഗത്തും വീഴ്ചയുണ്ടായി. അമിത വേഗത്തിൽ പോകേണ്ട ട്രാക്കിലൂടെ കാർ സഞ്ചരിച്ചത് 50 കി.മീറ്റർ വേഗതയിലാണ്. ദേശീയപാതയിൽ വഴിവിളക്കുകളും റിഫ്ളെക്ടറുകളും ഇല്ലാത്തതും അപകടത്തിന് വഴിവച്ചെന്ന് റിപ്പോർട്ടിൽ പറയുന്നു.ഒക്ടോബര് ആറിന് രാത്രിയാണ് വടക്കഞ്ചേരിയില് അപകടമുണ്ടായത്. സ്കൂളില് നിന്ന് വിനോദയാത്ര സംഘം സഞ്ചരിച്ച ടൂറിസ്റ്റ് ബസ് കെഎസ്ആര്ടിസി ബസിന് പിന്നില് ഇടിക്കുകയായിരുന്നു. സംഭവത്തില് വിദ്യാര്ത്ഥികള് അടക്കം 9പേര് മരിച്ചിരുന്നു.സംഭവശേഷം ഒളിവിൽ പോയ ടൂറിസ്റ്റ് ബസ് ഡ്രൈവർ ജോമോനെ പൊലീസ് പിടികൂടിയിരുന്നു. ജോമോനെതിരെ നരഹത്യാക്കുറ്റവും ബസ് ഉടമ എസ് അരുണിനെതിരെ പ്രേരണക്കുറ്റവുമാണ് ചുമത്തിയത്.
വടക്കഞ്ചേരി അപകടം;കെഎസ്ആര്ടിസി ഡ്രൈവറുടെ ഭാഗത്തും വീഴ്ച,പെട്ടെന്ന് വേഗത കുറച്ചു നടുറോഡില് നിര്ത്തി
