ലോകത്തെ ആശങ്കയിലാക്കി ചൈനയില് പുതിയ വൈറസ് കണ്ടെത്തി. പന്നിപ്പനി വൈറസിനെയാണ് തിരിച്ചറിഞ്ഞതെന്ന് ചൈനീസ് ഗവേഷകര് അറിയിച്ചു. 2009 ല് ലോകത്ത് പടര്ന്ന് പിടിച്ച പന്നിപ്പനിയോട് സാമ്യമുള്ള വൈറസിനെയാണ് കണ്ടെത്തിയിരിക്കുന്നത്. തിങ്കളാഴ്ച പ്രസിദ്ധീകരിച്ച യുഎസ് ശാസ്ത്ര ജേണലായ പ്രൊസീഡിങ്സ് ഓഫ് നാഷണല് അക്കാദമി ഓഫ് സയന്സസ് ജേണലിലാണ് ഇക്കാര്യം വ്യക്തമാക്കിയിരിക്കുന്നത്. മനുഷ്യരിലും ഈ രോഗാണുവിനെ കണ്ടെത്തിയിട്ടുണ്ട്. ഇപ്പോഴുള്ള ഒരു വാക്സിനും ഈ രോഗാണുവിനെതിരെ സംരക്ഷണം നല്കില്ലെന്നും ഗവേഷകര് പറഞ്ഞു. അപകടരമായ ജനിതക ഘടനയോടു കൂടിയതാണ് ഈ വൈറസെന്ന് വിദഗ്ധര് അറിയിച്ചു.
യു.എസ് സയന്സ് ജേണലായ പി.എന്.എസില് തിങ്കളാഴ്ച പ്രസിദ്ധീകരിച്ച ഒരു പഠനത്തിലാണ് ചൈനയിലെ ഗവേഷകര് ഒരു പുതിയ തരം പന്നിപ്പനി കണ്ടെത്തിയതായി പറഞ്ഞിരിക്കുന്നത്. ജി 4 എന്നാണ് പുതിയ വൈറസിന് നല്കിയിരിക്കുന്ന പേര്. എച്ച് വണ് എന് വണ് വംശത്തില്പ്പെട്ടതാണ്
