തിരുവനന്തപുരം: ഇന്നു വൈകിട്ട് മന്ത്രിയായി സത്യപ്രതിജ്ഞ ചെയ്യുന്ന കേരള കോണ്ഗ്രസ് ബി നേതാവ് കെ ബി ഗണേഷ് കുമാറിനു സിനിമാ വകുപ്പു നല്കേണ്ടതില്ലെന്ന് സിപിഎം നേതൃയോഗത്തില് തീരുമാനം. ഗതാഗതവകുപ്പ് മാത്രം. തല്ക്കാലം പാര്ട്ടിയുടെ കൈവശമുള്ള വകുപ്പ് മാറേണ്ടതില്ലെന്നാണ് സംസ്ഥാന സെക്രട്ടേറിയറ്റ് തീരുമാനിച്ചത്.
നടന് കൂടിയായ ഗണേഷ് കുമാറിന് ഗതാഗത വകുപ്പിനൊപ്പം സിനിമാ വകുപ്പും നല്കണമെന്ന് കേരള കോണ്ഗ്രസ് ബി ആവശ്യപ്പെട്ടിരുന്നു. ഇക്കാര്യം ഉന്നയിച്ച് പാര്ട്ടി മുഖ്യമന്ത്രിക്കു കത്തു നല്കി. ഈ സാഹചര്യത്തിലാണ് ഇന്നു ചേര്ന്ന സിപിഎം സെക്രട്ടേറിയറ്റ് ഇക്കാര്യം പരിഗണിച്ചത്. നിലവില് സജി ചെറിയാനാണ് സിനിമാ വകുപ്പ് കൈകാര്യം ചെയ്യുന്നത്.
