പാര്ട്ടി പ്രഖ്യാപനത്തില് നിന്ന് പിന്മാറി നടന് രജനീകാന്ത്. തീരുമാനത്തിനു പിന്നില് ആരോഗ്യ പ്രശ്നങ്ങളാണെന്നാണ് വിശദീകരണം. കടുത്ത നിരാശയോടെയാണ് പിന്മാറ്റമെന്നും വാര്ത്തക്കുറിപ്പില് പറയുന്നു.
ഡിസംബര് 31 ന് രാഷ്ട്രീയ പാര്ട്ടി പ്രഖ്യാപനം നടത്തുമെന്നായിരുന്നു നേരത്തെ രജനീകാന്ത് അറിയിച്ചിരുന്നത്. ജനുവരിയില് പാര്ട്ടിയുടെ പ്രവര്ത്തനം ആരംഭിക്കുമെന്നും രജനീകാന്ത് പറഞ്ഞിരുന്നു.
രജനീകാന്തിന്റെ രാഷ്ട്രീയ പ്രവേശനം സംബന്ധിച്ച് ചര്ച്ചകള് സജീവമാകുന്നതിനിടയിലാണ്
രക്തസമ്മര്ദ്ദത്തില് വ്യതിയാനം നേരിട്ടതിനെ തുടര്ന്ന് രജനിയെ ആശുപത്രിയില് പ്രവേശിപ്പിച്ചത്. ആരോഗ്യനില മെച്ചപ്പെട്ടതിനെത്തുടര്ന്ന് കഴിഞ്ഞ ദിവസം അദ്ദേഹത്തെ ഡിസ്ചാര്ജ് ചെയ്തിരുന്നു. മെഡിക്കല് റിപ്പോര്ട്ടുകളില് ആശങ്കപ്പെടുന്ന രീതിയില് ഒന്നും തന്നെയില്ലെന്നും അദ്ദേഹം പൂര്ണ്ണ ആരോഗ്യവാനാണെന്നും ആശുപത്രി അധികൃതര് അറിയിച്ചിരുന്നു.
