മുംബൈ: ഇന്ത്യന് ക്രിക്കറ്റ് ടീമിന്റെ കോച്ചായി രാഹുല് ദ്രാവിഡ് തുടരും. രാഹുല് ദ്രാവിഡിന്റെ കരാര് പുതുക്കി ബിസിസിഐ. അടുത്ത വര്ഷം നടക്കുന്ന ടി20 ലോകകപ്പ് വരെയാണ് കരാര് എന്നാണ് റിപ്പോര്ട്ടുകള്. ദ്രാവിഡിനൊപ്പമുള്ള പരിശീലക സംഘത്തെയും ബിസിസിഐ നിലനിര്ത്തി. ദ്രാവിഡ് തുടരുന്നതോടെ ബാറ്റിംഗ് കോച്ച് സ്ഥാനത്ത് വിക്രം റാത്തോഡും ബൗളിംഗ് കോച്ചായി പരസ് മാംബ്രെയും തല്സ്ഥാനത്ത് തുടരും.
നേരത്തെ പരിശീലക സ്ഥാനത്ത് തുടരാന് താല്പര്യമില്ലെന്ന് ദ്രാവിഡ് അറിയിച്ചതായി റിപ്പോര്ട്ടുകളുണ്ടായിരുന്നു. തുടര്ന്ന് വിവിഎസ് ലക്ഷ്മണ്, ആശിഷ് നെഹ്റ അടക്കമുള്ളവരെ ബിസിസിഐ പരിശീലക സ്ഥാനത്തേക്ക് പരിഗണിച്ചിരുന്നു. ദ്രാവിഡ് തന്നെ പരിശീലകനായി തുടരുന്നതില് ക്യാപ്റ്റന് രോഹിത് ശര്മയും ചീഫ് സെലക്ടര് അജിത് അഗാര്ക്കറും അനുകൂല നിലപാടാണ് സ്വീകരിച്ചത്.