നീലേശ്വരം (കാസര്കോട്): നീലേശ്വരം തെരു അഞ്ഞൂറ്റമ്പലം വീരാര്കാവിലെ കളിയാട്ട മഹോത്സവത്തിന്റെ ഭാഗമായി വെടിക്കെട്ട് നടത്താന് അനുമതി ഉണ്ടായിരുന്നില്ലെന്ന് റിപ്പോര്ട്ട്. അനുമതി വാങ്ങാതെയാണ് വെടിക്കെട്ട് നടത്തിയതെന്ന് കാസര്കോട് ജില്ല കലക്ടര് കെ. ഇമ്പശേഖരന് മാധ്യമങ്ങളോട് പറഞ്ഞു.
മാനദണ്ഡം പാലിച്ചില്ല വെടിക്കെട്ട് നടത്തിയത്. പടക്കം സൂക്ഷിച്ചതിന് അടുത്തു തന്നെയാണ് വെടിക്കെട്ട് നടത്തിയത്. കുറ്റക്കാര്ക്കെതിരെ ശക്തമായ നടപടി സ്വീകരിക്കുമെന്നും കലക്ടര് വ്യക്തമാക്കി.
അതേസമയം, തെയ്യംകെട്ട് മഹോത്സവത്തിനിടെ വെടിക്കെട്ട് പുരക്ക് തീപിടിച്ചുണ്ടായ അപകടത്തില് പൊലീസ് കേസെടുത്തു. ക്ഷേത്ര ഭരണസമിതി പ്രസിഡന്റ്, സെക്രട്ടറി എന്നിവരെ കസ്റ്റഡിയിലെടുത്തിട്ടുണ്ട്. പടക്കം കൈകാര്യം ചെയ്തത് അലക്ഷ്യമായാണ്. ക്ഷേത്ര മതിലിനോട് ചേര്ന്ന് ഷീറ്റ് പാകിയ കെട്ടിടത്തിലാണ് പടക്കം സൂക്ഷിച്ചിരുന്നത്. പടക്കം സൂക്ഷിച്ച സ്ഥലത്ത് തീപ്പൊരി വീണാണ് സ്ഫോടനം ഉണ്ടായതെന്ന് പൊലീസും വ്യക്തമാക്കി.
