ഇന്ത്യൻ പേസർ ജസ്പ്രീത് ബുംറ ടി-20 ലോകകപ്പിൽ കളിക്കില്ല. ഓസ്ട്രേലിയക്കെതിരായ ടി20 പരമ്പരക്കുശേഷം നടുവിന് വേദന അനുഭവപ്പെട്ട ബുമ്ര ഇന്ത്യയുടെ ലോകകപ്പ് ടീമില് കളിക്കില്ലെന്ന് ബിസിസിഐ വൃത്തങ്ങളെ ഉദ്ധരിച്ച് പിടിഐ റിപ്പോര്ട്ട് ചെയ്തു.നടുവിന് വേദന അനുഭവപ്പെട്ടത്തിനെ തുടര്ന്ന് ഇന്നലെ തിരുവനന്തപുരത്ത് നടന്ന ദക്ഷിണാഫ്രിക്കക്കെതിരായ ടി20 പരമ്പരയിലെ ആദ്യ മത്സരത്തില് ബുമ്ര കളിച്ചിരുന്നില്ലപുറംവേദന അലട്ടിയതിനെ തുടര്ന്ന് ബുമ്രയ്ക്ക് ഏഷ്യാ കപ്പും നഷ്ടമായിരുന്നു. പിന്നാലെയാണ് ഇപ്പോള് ലോകകപ്പും നഷ്ടമാകുന്നത്. ഇന്നലെ ആദ്യ ടി20യ്ക്ക് ടോസ് ഇടാന് തുടങ്ങുന്നതിന് തൊട്ടുമുന്പാണ് താരം പുറംവേദന അനുഭവപ്പെടുന്ന കാര്യം ബിസിസിഐ മെഡിക്കല് സംഘത്തെ അറിയിച്ചത്. മത്സരത്തിന് തൊട്ടുമുന്പ് നടത്തിയ പരിശീലനത്തിനിടെയാണ് വേദന തുടങ്ങിയത്.