വി വി പ്രകാശ് അന്തരിച്ചു
നിലമ്പൂർ: മലപ്പുറം ഡിസിസി പ്രസിഡന്റും നിലമ്പൂരിലെ യുഡിഎഫ് സ്ഥാനാര്ഥിയുമായ വിവി പ്രകാശ് (56) അന്തരിച്ചു. ഹൃദയാഘാതത്തെ തുടര്ന്ന് പുലര്ച്ചെ നാലരയോടെ മഞ്ചേരി മെഡിക്കൽ കോളേജിലായിരുന്നു അന്ത്യം.
കര്ഷകനായിരുന്ന കുന്നുമ്മല് കൃഷ്ണന് നായര്-സരോജിനിയമ്മ ദമ്പതികളുടെ മകനായി എടക്കരയിലാണ് വിവി പ്രകാശ് ജനിച്ചത്.
എടക്കര സര്ക്കാര് ഹൈസ്കൂൾ ചുങ്കത്തറ എം.പി.എം ഹൈസ്കൂൾ മമ്പാട് എം.ഇ.എസ് കോളജ് മഞ്ചേരി എന്എസ്എസ് കോളജ് എന്നിവിടങ്ങളിലായിരുന്നു വിദ്യഭ്യാസം.
കോഴിക്കോട് ഗവണ്മെന്റ് ലോ കോളജില് നിന്ന് നിയമ ബിരുദം നേടി. കോഴിക്കോട് സര്വകലാശാലയില് നിന്ന് ബിരുദാനന്തര ബിരുദവും കരസ്ഥമാക്കി.
ഹൈസ്കൂൾ പഠനകാലത്ത് കെ.എസ്.യു പ്രവര്ത്തകനായ വി.വി പ്രകാശ് ഏറനാട് താലൂക്ക് ജനറല് സെക്രട്ടറി, മലപ്പുറം ജില്ലാ ജനറല് സെക്രട്ടറി, ജില്ലാ പ്രസിഡന്റ്, സംസ്ഥാന ജനറല് സെക്രട്ടറി പദവികള് വഹിച്ചു. പിന്നീട് സംസ്ഥാന യൂത്ത് കോണ്ഗ്രസ് ജനറല് സെക്രട്ടറിയായി. കെപിസിസി സെക്രട്ടറിയായും പ്രവർത്തിച്ചു.
നാലു വര്ഷമായി മലപ്പുറം ജില്ലാ കോണ്ഗ്രസ് പ്രസിഡന്റായി പ്രവർത്തിച്ചു വരികയായിരുന്നു.
