വാഴകൾ വെട്ടിനശിപ്പിച്ചു: ഇരുപത്തിയെട്ടുവയസ്സുകാരൻ സുബിൻ ദാസ് എന്നയാൾ പിടിയിൽ

ചെറുവളത്തൂർ എസ് വളവിൽ കൃഷി ചെയ്തിരുന്ന 350 ഓളം വാഴകൾ വെട്ടിനശിപ്പിച്ചു. സംഭവത്തിൽ ഇരുപത്തിയെട്ടുവയസ്സുകാരൻ സുബിൻ ദാസ് എന്നയാൾ പിടിയിൽ. കുലത്തിങ്കൽ വിനോദ് കുമാർ എന്നയാളുടെ വാഴക്കൃഷിക്കാണ് നാശം സംഭവിച്ചത്. പിന്നിലെ കാരണം വെക്തമല്ലെന്നാണ് പ്രാഥമിക അന്വേഷണം. കഴിഞ്ഞ ദിവസം രാത്രിയിൽ ആയിരുന്നു സംഭവം ഉണ്ടായത്. കർഷക സംഘം നേതാക്കൾ ഇന്നലെ സ്ഥലം സന്ദർശിക്കുകയുണ്ടായി. കുന്ദമംഗലം പോലീസ് കേസെടുത്തു അന്വേഷണം നടന്നു വരികയായിരുന്നു. ആദ്യം സാമൂഹ്യ വിരുദ്ധർ ആരെങ്കിലും ആയിരിക്കും കുറ്റം ചെയ്തതെന്നായിരുന്നു ആദ്യത്തെ നിരീക്ഷണം.പോലീസിന്റെ ഭാഗത്തു നിന്നുള്ള ശക്തമായ അനേഷണമാണ് പ്രതിയിലേക്ക് പെട്ടന്ന് എത്താൻ കാരണം. വിനോദ് കുമാർ ഒരു മികച്ച കർഷകൻ ആണ്. പെരുവയൽ പഞ്ചായത്തിലെ കർഷകനായ ഇയാൾ കൃഷി ചെയ്യുന്നത് കുന്ദമംഗലം പഞ്ചായത്തിൽ ആണ്. അതിനാൽ തന്നെ ഇരു പഞ്ചായത്തിലേയും ഭരണാധികാരികൾ സംഭവ സ്ഥലം സന്ദർശിച്ചിരുന്നു. ഇത്തരം സംഭവങ്ങൾ നടക്കുന്നതിൽ നാട്ടുകാർ വളരെ ഭീതിയിൽ ആയിരുന്നു.