കുന്ദമംഗലം: ചെറുകത്തുരില്‍ 14 വയസുള്ള ആണ്‍കുട്ടിയെ തട്ടിക്കൊണ്ട് പോകാന്‍ ശ്രമിച്ചതായി പരാതി. കുന്ദമംഗലം പോലീസ് കേസെടുത്ത് അന്വേഷണം ആരംഭിച്ചു. ഇന്നലെ ഉച്ചയ്ക്ക് സ്‌കൂളില്‍ നിന്ന് ഇറങ്ങിയ കുട്ടി വീട്ടിലേക്ക് നടന്ന് പോകുമ്പോള്‍ ഒമനിവാന്‍ കുട്ടിയുടെ അടുത്ത് വന്ന് കുട്ടിയുടെ കൈയില്‍ പിടിച്ചു, കുട്ടി ബഹളം വെച്ച് കുതറി ഓടി. 100 മീറ്റര്‍ അകലെയുള്ള വീടിലേക്ക് ഓടിയെത്തി കുട്ടി വിവരം പറയുകയായിരുന്നു. പിന്നീട് പോലീസില്‍ പരാതി നല്‍കി. പോലീസ് സിസിടിവി ദൃശ്യങ്ങള്‍ പരിശോധിച്ചതിന്റെ അടിസ്ഥാനത്തില്‍ അന്വേഷണം നടന്ന് വരികയാണ്. കുന്ദമംഗലം എസ് എച്ച് ഒ എസ് ശ്രീകുമാറിന്റെ നേതൃത്വത്തിലുള്ള സംഘമാണ് കേസ് അന്വേഷിക്കുന്നത്.
14 വയസുള്ള ആണ്‍കുട്ടിയെ തട്ടിക്കൊണ്ട് പോകാന്‍ ശ്രമം; കുന്ദമംഗലം പോലീസ് കേസെടുത്തു
