അനന്തപുരി ഹിന്ദു സമ്മേളനത്തിലെ വിദ്വേഷ പ്രസംഗത്തിൽ ചോദ്യം ചെയ്യലിന് ഹാജരാകാൻ ആവശ്യപ്പെട്ട് പൊലീസ് പിസി ജോർജിന് നോട്ടീസ് നൽകി. ഞായറാഴ്ച രാവിലെ 11 മണിക്ക് ഫോര്ട്ട് അസിസ്റ്റന്റ് കമ്മീഷണറുടെ മുന്പാകെ ഹാജരാകണമെന്ന് കാണിച്ചാണ് ഫോര്ട്ട് അസിസ്റ്റന്ഡ് കമ്മീഷണര് നോട്ടീസ് നല്കിയിരിക്കുന്നത്.നാളെ തൃക്കാക്കരയിൽ തെരഞ്ഞെടുപ്പ് പ്രചാരണത്തിന് എത്തുമെന്ന് പ്രഖ്യാപിച്ചതിന് പിന്നാലെയാണ് പൊലീസിന്റെ ഈ നീക്കം. അതേ സമയം സർക്കാരിന്റെ നാടകമാണ് പുറത്തായതെന്ന് പി സി ജോര്ജ് പ്രതികരിച്ചു.ചോദ്യം ചെയ്യലുമായി സഹകരിക്കണം എന്നതാണ് ജോർജിന് ജാമ്യം നൽകിക്കൊണ്ട് ഹൈക്കോടതി വ്യക്തമാക്കിയത്. കലാശക്കൊട്ട് നടക്കുന്ന ദിവസം തൃക്കാക്കരയില് പോകുമെന്നും മുഖ്യമന്ത്രിക്ക് എതിരെ ഉള്പ്പെടെ പറയാനുള്ള കാര്യങ്ങള് പറയുമെന്നും ജാമ്യം ലഭിച്ച് പുറത്തിറങ്ങിയതിന് പിന്നാലെ ജോര്ജ് പറഞ്ഞിരുന്നു. , ഇപ്പോള് നോട്ടീസ് ലഭിച്ചിരിക്കുന്നതനുസരിച്ച് നാളെ തിരുവനന്തപുരത്തേക്ക് പോകേണ്ടി വന്നാല് അദ്ദേഹത്തിന് തൃക്കാക്കരയിലേക്ക് പോകാന് കഴിയില്ല.
പിസി നാളെ എത്തണം,വിദ്വേഷ പ്രസംഗക്കേസിൽ വീണ്ടും നോട്ടീസ്,തൃക്കാക്കരയില് എത്താനാകില്ല
