കോഴിക്കോട്,മലപ്പുറം,പാലക്കാട് ജില്ലകളിലെ മൂല്യനിർണയ ക്യാമ്പുകൾ ബഹിഷ്‌കരിച്ച് 500 ഓളം അധ്യാപകർ.ഇന്ന് രാവിലെയാണ് ഹയർ സെക്കന്ററി മൂല്യനിർണയം ആരംഭിച്ചത്. രാവിലെ ഒൻപതര മുതൽ വൈകിട്ട് നാലര വരെയാണ് മൂല്യനിർണയം.ഉത്തര സൂചികയിൽ അപാകതയുണ്ടെന്നാരോപിചാണ് അധ്യാപകരുടെ പ്രതിഷേധം. കെമസ്ട്രി വിഷയത്തിന് സ്കീം ഫൈനലൈസേഷന് നൽകിയ ഉത്തര സൂചികയല്ല മൂല്യനിർണയത്തിന് നൽകിയിരിക്കുന്നതെന്ന് എയ്ഡഡ് സ്കൂൾ ടീച്ചേഴ്സ് അസോസിയേഷൻ ആരോപിച്ചിരിക്കുന്നത്. എന്നാൽ ഇത്തരത്തിൽ പരാതിയൊന്നും ലഭിച്ചിട്ടില്ലെന്ന് പരീക്ഷാ ജോയിന്റ് ഡയറക്ടർ എസ്എസ് വിവേകാനന്ദൻ പ്രതികരിച്ചു. അനുഭവ പരിചയമുള്ള അധ്യാപകര്‍ തയ്യാറാക്കിയ ഉത്തരസൂചിക അട്ടിമറിച്ചുകൊണ്ടാണ് പുതിയ ഉത്തരസൂചികയെന്നാണ് ആരോപണം. പുതിയ ഉത്തരസൂചിക അടിസ്ഥാനമാക്കിയാണ് മുല്യനിർണയം നടത്തുന്നതെങ്കിൽ വിദ്യാർത്ഥികൾക്ക് ലഭിക്കേണ്ട മാർക്ക് ലഭിക്കില്ലെന്ന് അധ്യാപകർ ചൂണ്ടിക്കാട്ടുന്നു.
ഉത്തരസൂചികയിൽ അപാകത;പ്ലസ്ടു കെമിസ്ട്രി മൂല്യനിർണയ ക്യാമ്പുകൾ ബഹിഷ്‌കരിച്ച് അധ്യാപകർ
