കോണ്‍ഗ്രസിന്റെ നിയമസഭാ തെരഞ്ഞെടുപ്പിനുള്ള സ്ഥാനാര്‍ത്ഥി പട്ടികയില്‍ സിനിമാതാരം ധര്‍മജന്‍ ബോള്‍ഗാട്ടിയും ഉള്ളതായി സൂചന. കോഴിക്കോട് ജില്ലയിലെ ബാലുശ്ശേരി മണ്ഡലത്തില്‍ ധര്‍മ്മജനെ പരിഗണിച്ചേക്കുമെന്നാണ് വിവരം. കോണ്‍ഗ്രസ് ആവശ്യപ്പെട്ടാല്‍ മത്സരിക്കാം എന്നാണ് ഇതുസംബന്ധിച്ച് ധര്‍മജന്‍ മാധ്യമങ്ങളോട് പ്രതികരിച്ചത്. എന്നാല്‍ ഇതേവരെ ഇതു സംബന്ധിച്ച ചര്‍ച്ചകളൊന്നും നടന്നില്ലെന്നും ധര്‍മജന്‍ പറഞ്ഞു.
നിലവില്‍ കോഴിക്കോട് ജില്ലയിലുള്ള മണ്ഡലത്തിലെ പൊതു പരിപാടികളില്‍ ധര്‍മജന്‍ സജീവമാണ്. രണ്ട് ദിവസം കഴിഞ്ഞ് വീണ്ടും ബാലുശ്ശേരിയില്‍ പരിപാടിക്കെത്തുമെന്നും ധര്‍മജന്‍ പറഞ്ഞു.
