കുന്ദമംഗലം : കുന്ദമംഗലം പഞ്ചായത്ത് ഗണിതോത്സവം ജനുവരി 30, 31 ഫെബ്രവരി 1 തിയ്യതികളില് കാരന്തൂര് മര്കസ് ബോയ്സ് സ്കൂളില് നടക്കും.
പൊതു വിദ്യാഭ്യാസ വകുപ്പിന് കീഴില് സംസ്ഥാനത്തെ 1500 കേന്ദ്രങ്ങളില് ഗണിതോത്സവം സംഘടിപ്പിക്കുന്നുണ്ട്. ഗണിതപഠനത്തെ കുട്ടികളുടെ പക്ഷത്തു നിന്നുകൊണ്ട് എങ്ങനെ ആനന്ദകരമാക്കാം എന്നതും, ഗണിത സങ്കേതങ്ങള് പ്രയോജനപ്പെടുത്തുന്നതില് കുട്ടിയുടെ ആത്മവിശ്വാസവും അറിവും കഴിവും എങ്ങനെ വികസിപ്പിക്കാമെന്നുമുള്ള ജനകീയ അന്വേഷണമാണ് ഗണിതോത്സവം.
പഞ്ചായത്തിലെ വിവിധ സ്കൂളുകളില് നിന്നും പ്രത്യേകം തിരഞ്ഞെടുത്ത 100 വിദ്യാര്ഥികളാണ് മൂന്ന് ദിവസത്തെ പഠന ക്യാമ്പില് പങ്കെടുക്കുന്നത്.
പൂര്വ്വ അധ്യാപകര്, വിദ്യാര്ത്ഥികള്, ജന പ്രതിനിധികള്, വിദഗ്ദ തൊഴിലാളികള്, രക്ഷിതാക്കള് ക്യാമ്പിന്റെ ഭാഗമാകും.
പരിപാടിയുടെ വിജയത്തിനായി സ്വാഗതസംഘം രൂപീകരിച്ചു.ഭാരവാഹികളായി വാര്ഡ് അംഗം ബഷീര് പടാളിയില് (ചെയര്മാന്), പിടിഎ പ്രസിഡന്റ് അബ്ദുല് ഖാദര് ഹാജി (വൈസ് ചെയര്മാന്), ഹെഡ്മാസ്റ്റര് അബ്ദുല് നാസര്(ജന:കണ്വീനര്) കെ മുഹമ്മദ് ഷഫീഖ്(ജോ:കണ്വീനര്) എന്നിവരെ തിരഞ്ഞെടുത്തു.
