പൊതുവേദിയിലോ പാര്ട്ടി പരിപാടിയിലോ പങ്കെടുക്കുമ്പോള് ഡിസിസിയെ അറിയിക്കാറുണ്ടെന്ന് ശശി തരൂർ എം പി.ഏത് ജില്ലയിലും പരിപാടികള്ക്ക് പോകുമ്പോള് ഡി.സി.സി. പ്രസിഡന്റുമാരെ അറിയിക്കാറുണ്ട് അത് പതിനാല് വര്ഷമായി തന്റെ രീതിയാണെന്നും അദ്ദേഹം കൊച്ചിയില് പറഞ്ഞു. സ്വകാര്യപരിപാടിയില് പങ്കെടുക്കുമ്പോള് ഡി.സി.സി. പ്രസിഡന്റുമാരെ അറിയിക്കേണ്ടതില്ലെന്നും അദ്ദേഹം കൂട്ടിച്ചേര്ത്തു.സംസ്ഥനത്തെത്തിയ താരിഖ് അന്വറോ, അച്ചടക്ക സമിതിയോ ഒരു തരത്തിലുള്ള അതൃപ്തിയും അറിയിച്ചിട്ടില്ലെന്നും പാര്ട്ടി കീഴ്വഴക്കം ലംഘിച്ചിട്ടില്ലെന്നും തരൂര് വ്യക്തമാക്കി. ‘പ്രൊഫഷണല് കോണ്ഗ്രസിന്റെ കോണ്ക്ലേവില് കെ.പി.സി.സി. പ്രസിഡന്റ് നേരിട്ട് പങ്കെടുക്കാത്തതിന് വിവാദവുമായി യാതൊരു ബന്ധവുമില്ല. ആരോഗ്യകാരണങ്ങളാലാണ് അദ്ദേഹം നേരിട്ട് വരാത്തത്. പ്രൊഫഷണല് കോണ്ഗ്രസ് സംസ്ഥാന നേതൃത്വത്തിന്റെ പരിപാടിയാണിത്. ദേശീയതലത്തില് നയിക്കുന്നുണ്ടെങ്കിലും ഇവിടെ നടക്കുന്ന പരിപാടിയില് തീരുമാനങ്ങള് സംസ്ഥാന നേതൃത്വത്തിന്റേതാണ്’, തരൂര് പറഞ്ഞു. നേതാക്കളുമായി ഒരു അകൽച്ചയും ഇല്ല. നേതാക്കളുമായി സംസാരിക്കുന്നതിന് തടസ്സമില്ല. ആരോടും അമര്ഷമില്ല. എന്റെ വായില് നിന്ന് അങ്ങെനെ എന്തെങ്കിലും കേട്ടിട്ടുണ്ടോ. ഏത് വിവാദമാണ് ഉണ്ടാക്കിയതെന്നും തരൂര് ചോദിച്ചു.നേരിട്ടു കാണുമ്പോള് വി.ഡി. സതീശനുമായി സംസാരിക്കുമോ എന്ന ചോദ്യത്തിന്, സംസാരിക്കാതിരിക്കാന് തങ്ങള് കിന്റര്ഗാര്ട്ടനിലെ കുട്ടികളല്ലോ എന്ന് അദ്ദേഹം മറുപടി നല്കി.
മിണ്ടാതിരിക്കാന് കിന്റര്ഗാര്ട്ടനിലെ കുട്ടികളാണോ?,നേതാക്കളുമായി സംസാരിക്കുന്നതിന് തടസ്സമില്ലെന്ന് തരൂർ
