ദക്ഷിണ ആഫ്രിക്കയില് കണ്ടെത്തിയ കോവിഡിന്റെ പുതിയ വകഭേദമായ ഒമിക്രോണ് ആശങ്കയായി തുടരുന്ന പശ്ചാത്തലത്തില് അടിയന്തര യോഗം വിളിച്ച് പ്രധാനമന്ത്രി.ഇന്ന് രാവിലെ 10.30-ന് ചേരുന്ന യോഗത്തില് ഉന്നത ഉദ്യോഗസ്ഥര് അടക്കം പങ്കെടുക്കും. രാജ്യത്തെ നിലവിലെ കോവിഡ് സ്ഥിതിഗതികളും വാക്സിനേഷന് പുരോഗതിയും ചര്ച്ചയാകും.
ഈജിപ്തില് നിന്ന് വന്ന യാത്രക്കാരിയിലാണ് ഒമിക്രോണ് വകഭേദം സ്ഥിരീകരിച്ചത്. ഒമിക്രോണ് വകഭേദം അതീവ അപകടകാരിയാണെന്ന് ലോകാരോഗ്യ സംഘടന മുന്നറിയിപ്പ് നല്കി. അതിതീവ്ര വ്യാപനശേഷിയുള്ള വകഭേദമാണ് ഇതെന്നും ലോകാരോഗ്യ സംഘടന വ്യക്തമാക്കി. ബോട്സ്വാന, ബെല്ജിയം, ഹോങ്കോങ്, ഇസ്രായേല് തുടങ്ങിയ രാജ്യങ്ങളിലും പുതിയ വകേഭദം കണ്ടെത്തിയിട്ടുണ്ട്.
ഒമിക്രോണ് വ്യാപിച്ച ദക്ഷിണാഫ്രിക്കയില് നിന്നും മറ്റു ഏഴ് ആഫ്രിക്കന് രാജ്യങ്ങളില് നിന്നുമുള്ള യാത്രയ്ക്ക് യുഎസ് അടക്കം ഇതിനോടകം വിലക്കേര്പ്പെടുത്തിയിട്ടുണ്ട്. യൂറോപ്യന് യൂണിയന്, യുകെ, കാനഡ തുടങ്ങിയ രാജ്യങ്ങളും യാത്ര നിയന്ത്രണമേര്പ്പെടുത്തി.
