പാലാ: പാലാ ഉപതെരഞ്ഞെടുപ്പില് യുഡിഎഫിനെ പിന്നിലാക്കി എല്.ഡി.എഫ് ലീഡ് നേടിയതോടെ കേരള കോണ്ഗ്രസ് എമ്മില് വാക്പോര് തുടങ്ങി. തെരഞ്ഞെടുപ്പിന് മുന്പേ ഏറെ വാക്കേറ്റങ്ങളും വിവാദങ്ങളും ഉണ്ടായതിന് പിന്നാലെ മുഴുവന് വോട്ടും എണ്ണിത്തീരുന്നതിന് മുന്പാണ് വീണ്ടും അടി ആരംഭിച്ചത്. ലീഡ് കുറഞ്ഞതില് കള്ളന് കപ്പലില് തന്നെയാണെന്ന് യു.ഡി.എഫ് സ്ഥാനാര്ത്ഥി ജോസ് ടോം പുലിക്കുന്നേല് പറഞ്ഞു.
ജോസ്.കെ മാണി വിഭാഗത്തിന്റെ വോട്ട് മറിഞ്ഞെന്ന ആരോപണവുമായി പി.ജെ ജോസഫും് രംഗത്തെത്തി. വോട്ടെണ്ണല് ആരംഭിച്ചതുമുതല് എല്ഡിഎഫിന്റെ മാണി സി കാപ്പന് ലീഡ് ചെയ്യുകയാണ്. യുഡിഎഫിന് മേല്ക്കൈ ഉള്ള പഞ്ചായത്തായ രാമപുരത്ത് വലിയ തിരിച്ചടി ഉണ്ടായതിന് പിന്നാലെയാണ് നേതാക്കളുടെ പ്രതികരണം.
വോട്ടെണ്ണല് പകുതി ദൂരം പിന്നിടുമ്പോള് മാണി സി കാപ്പന് 4197 വോട്ടിന്റെ മുന്നിലാണ്.
