കരിപ്പൂര് സ്വര്ണക്കവര്ച്ചാ കേസില് അർജുൻ ആയങ്കി അറസ്റ്റിൽ.പയ്യന്നൂരിലെ പെരിങ്ങയില് ഒളിവില് കഴിയുന്നതിനിടെ കൊണ്ടോട്ടി പോലീസ് അര്ജുന് ആയങ്കിയെ കഴിഞ്ഞ ദിവസം രാത്രി അറസ്റ്റ് ചെയ്തത്. കേസില് ഒന്നാംപ്രതിയാണ് ഇയാള്.
കാരിയറുടെ സഹായത്തോടെ സ്വര്ണക്കവര്ച്ചയ്ക്ക് ശ്രമിച്ചു എന്നാണ് കേസ്. ഈ കേസിൽ സിപിഎം നഗരസഭ മുൻ കൗൺസിലർ മൊയ്തീൻകോയ ഉൾപ്പെടെ നാല് പേർ നേരത്തെ അറസ്റ്റിലായിരുന്നു. അര്ജ്ജുന് കണ്ണൂര് ജില്ലയില് വിലക്കേര്പ്പെടുത്തികൊണ്ട് പൊലീസ് ചുമത്തിയ കാപ്പ കഴിഞ്ഞയാഴ്ച്ചയാണ് നീക്കിയത്. അതിനിടെയാണ് അറസ്റ്റ്. രാമനാട്ടുകര സ്വര്ണക്കടത്ത് കേസില് സ്വര്ണം കവര്ന്ന ക്രിമിനല് സംഘത്തിലെ പ്രധാന കണ്ണി അര്ജ്ജുന് ആയങ്കിയാണെന്ന് കസ്റ്റംസ് വ്യക്തമാക്കിയിരുന്നു.
കടത്തുകാരെ വെട്ടിച്ച് സ്വർണം കടത്തി അർജുൻ ആയങ്കി അറസ്റ്റിൽ
