കുന്ദമംഗലം:കുന്ദമംഗലത്ത് സ്കൂൾ കേന്ദ്രീകരിച്ച് മയക്ക് മരുന്ന് വില്പന. പതിമൂന്ന് വയസുകാരിക്ക് മയക്ക് മരുന്ന് കൊടുത്തെന്ന് ആരോപണം പോലീസ് സ്വമേധയ കേസെടുത്തു. എട്ടാം ക്ലാസ് വിദ്യാർത്ഥിയും കൂട്ടുകാരികളും എട്ടുമാസത്തോളം മയക്ക് മരുന്ന് ഉപയോഗിച്ചു എന്നുള്ള വിവരമാണ് പുറത്ത് വന്നിരിക്കുന്നത്.
മയക്ക് മരുന്നിന്റെ ഉപയോഗം മൂലം ആരോഗ്യ നില മോശമായ വിദ്യാർത്ഥി ആത്മഹത്യക്ക് ശ്രമിക്കുകയും തുടർന്ന് ഹോസ്പിറ്റലിൽ എത്തിച്ചപ്പോളാണ് സത്യാവസ്ഥ പുറത്ത് വന്നത്. കുന്ദമംഗലം ബസ്സ്റ്റാൻഡ് ഭാഗത്ത് നിന്നാണ് മയക്കുമരുന്ന് വിൽപ്പന നടത്തുന്നതെന്ന് വിദ്യാർത്ഥി വെളിപ്പെടുത്തി. മയക്കുമരുന്ന് വിൽപ്പന നടത്തുന്നവരിൽ സ്ത്രീകളും വിദ്യാർത്ഥികളും ഉൾപ്പെടെ ഉണ്ടെന്നും വിവരമുണ്ട്. സംഭവത്തിൽ കുന്ദമംഗലം പൊലീസ് കേസെടുത്ത് അന്വേഷണം ആരംഭിച്ചു.
