കോഴിക്കോട്: കുറ്റിച്ചിറ ജിവിഎച്ച്എസ്എസിൽ ഇലക്ഷൻ ബൂത്ത് ഏജൻ്റ് കുഴഞ്ഞുവീണു മരിച്ചു. എൽഡിഎഫ് ബൂത്ത് ഏജൻ്റ് കുഞ്ഞിത്താൻ മാളിയക്കൽ അനീസ് അഹമ്മദ് ( 66 ) ആണ് മരിച്ചത്. റിട്ട. കെഎസ്ഇബി എക്സിക്യൂട്ടീവ് എഞ്ചിനീയറാണ്. ജോലി ചെയ്യുന്നതിനിടയിൽ ദേഹാസ്വാസ്ഥ്യം വന്ന് ബീച്ച് ആശുപത്രിയിൽ കൊണ്ടു പോയെങ്കിലും ജീവൻ രക്ഷിക്കാനായില്ല.പരേതരായ കാമക്കന്റകം കോയ സാറിന്റെയും കുഞ്ഞിത്താൻ മാളിയക്കൽ ഫാത്തിമയുടെയും മകനാണ്. ഹലുവ ബസാർ പൊന്മാണിച്ചിന്റകത്തിനോട് ചേർന്നുള്ള ഇടവഴിയിലാണ് വസതി.ഭാര്യ : അടക്കാനി വീട്ടിൽ സെറീന ( ബീവി ).മക്കൾ : ഫായിസ് അഹ്മദ്, ഫദിൽ അഹ്മദ്, ആഖിൽ അഹ്മദ്, ബിലാൽ അഹ്മദ്.മരുമക്കൾ : പഴയ തോപ്പിൽ അനൂന, പുതിയ വീട്ടിൽ ഡോ: ഫാത്തിമ ഫെലിൻ.സഹോദരങ്ങൾ : കെ എം മൻസൂർ അഹ്മദ് ( റിട്ട: വഖഫ് ബോർഡ് ), കെ എം റാഷിദ് (റിട്ട. എംഎം ഹൈസ്കൂൾ ), മൊഹിയുദ്ദീൻ ( ദുബായ് ), പരേതനായ അബ്ദുള്ള അഹ്മദ് ( അബ്ദു ).