നടിയെ ആക്രമിച്ച കേസിലെ അന്വേഷണ ഉദ്യോഗസ്ഥരെ അപായപ്പെടുത്താൻ ഗൂഢാലോചന നടത്തിയെന്ന കേസിൽ ദിലീപ് അടക്കമുള്ള പ്രതികളുടെ 33 മണിക്കൂർ ചോദ്യംചെയ്യൽ പൂർത്തിയായി.
വധഭീഷണി കേസിനു പിന്നാലെ ദിലീപടക്കം നാലുപ്രതികള് മൊബൈല്ഫോണ് മാറ്റിയതായി കണ്ടെത്തിയെന്ന് ക്രൈംബ്രാഞ്ച് പറഞ്ഞു. തെളിവുകള് നശിപ്പിക്കാനാണ് ഫോണ് മാറ്റിയതെന്ന് അന്വേഷണോദ്യോഗസ്ഥന് പറഞ്ഞു. പഴയ ഫോണുകൾ ഹാജരാക്കാൻ ഇന്ന് ഉച്ചവരെ സമയം അനുവദിച്ചിട്ടുണ്ട്. ഉച്ചയ്ക്ക് രണ്ടരയ്ക്ക് മുൻപ് ക്രൈംബ്രാഞ്ചിന് മുന്നിൽ ഫോണുകൾ ഹാജരാക്കാനാണ് അന്വേഷണ സംഘം ആവശ്യപ്പെട്ടിട്ടുള്ളത്. റെയ്ഡില് പിടിച്ചെടുത്ത ചില ഡിജിറ്റല് സാമഗ്രികളുടെ ഫൊറന്സിക് റിപ്പോര്ട്ട് ലഭിക്കാനുണ്ട്. ഇതുകൂടി ലഭിച്ചശേഷമേ അന്വേഷണപുരോഗതി വ്യക്തമാക്കാന് സാധിക്കൂവെന്നും അദ്ദേഹം പറഞ്ഞു.ദിലീപ്, സഹോദരൻ അനൂപ്, സഹോദരി ഭർത്താവ് ടി എൻ സുരാജ്, അനൂപിന്റെ ഭാര്യയുടെ ബന്ധു അപ്പു എന്നിവരാണ് ഫോൺ മാറ്റിയത്. പ്രതികളുടെ വീടുകളിൽ നടത്തിയ റെയ്ഡിനിടെ പിടിച്ചെടുത്ത ഫോൺ പുതിയവയാണെന്നും അന്വേഷണ സംഘം കണ്ടെത്തിയിട്ടുണ്ട്.
തെളിവുകള് നശിപ്പിക്കാൻ ഫോണ് മാറ്റി;പഴയ ഫോണ് ഹാജരാക്കാന് ദിലീപിനും കൂട്ടര്ക്കും ഇന്ന് ഉച്ചവരെ സമയം
