സാമൂഹമാധ്യമങ്ങളിൽ സിനിമയ്ക്കെതിരെ മോശം റിവ്യൂ പ്രചരിപ്പിച്ച സംഭവത്തിൽ ആദ്യ കേസ് രജിസ്റ്റർ ചെയ്ത് കൊച്ചി പോലീസ്. റാഹേൽ മകൻ കോര’ എന്ന സിനിമയുടെ സംവിധായകൻ ഉബൈനിയുടെ പരാതിയിലാണ് നടപടി.
ഒൻപത് പേർക്കെതിരെയാണ് കേസ് രജിസ്റ്റർ ചെയ്തിട്ടുള്ളത്, പ്രമുഖ ഓൺലൈൻ സിനിമാ റിവ്യൂവേഴ്സും യൂട്യൂബും ഫേസ്ബുക്കും ആണ് പ്രതിപ്പട്ടികയിൽ ഉള്ളത്. ചിത്രങ്ങൾ തീയേറ്ററിലെത്തി ആദ്യ ദിനം മുതൽ മോശം റിവ്യൂകൾ നൽകി സിനിമയെ തകർക്കാൻ ഉള്ള ശ്രമങ്ങൾ നടക്കുന്നുണ്ടെന്ന് നിർമാതാക്കളുടെ സംഘടനാ പ്രതിനിധികൾ ആരോപണം ഉയർത്തിയിരുന്നു. ഇത്തരത്തിൽ പരാജയപ്പെട്ട സിനിമകളുടെ പട്ടികയും നേരത്തെ പുറത്ത് വിട്ടിരുന്നു. ഇതിന് പിന്നാലെയാണ് റാഹേൽ മകൻ കോര എന്ന ചിത്രത്തിന്റെ സംവിധായകൻ തെളിവുകൾ ഉൾപ്പടെ പോലീസിൽ പരാതി നൽകിയത്. ഈ പരാതിയിലാണ് നടപടി
സിനിമാ റിവ്യൂ ബോബിംങ്ങിൽ കേസ് എടുത്ത് പോലീസ്; ഫേസ്ബുക്കും യൂട്യൂബും പ്രതിപ്പട്ടികയിൽ
