താമരശേരിയില് വ്യാപാരിയെ തട്ടിക്കൊണ്ടുപോയ സംഭവത്തില് ഒരാള് അറസ്റ്റില്.മലപ്പുറം പുത്തനത്താണി സ്വദേശി മുഹമ്മദ് ജൗഹറാണ് അറസ്റ്റിലായത്. വിദേശത്തേക്ക് കടക്കാൻ ശ്രമിക്കുന്നതിനിടെ കരിപ്പൂർ വിമാനത്താവളത്തിൽ നിന്നാണ് ഇയാൾ പിടിയിലായത്. വ്യാപാരിയെ തട്ടിക്കൊണ്ടു പോകാന് ഉപയോഗിച്ച വാഹനം ഓടിച്ചത് മുഹമ്മദ് ജൗഹാറാണെന്നാണ് പൊലീസിന് ലഭിച്ചിരിക്കുന്ന വിവരം.താമരശ്ശേരി -മുക്കം റോഡിൽ വെഴുപ്പൂർ സ്കൂളിന് സമീപം വച്ചായിരുന്നു കാറിലെത്തിയ സംഘം സ്കൂട്ടർ യാത്രക്കാരനായ താമരശ്ശേരി അവേലം സ്വദേശി മുരിങ്ങാം പുറായിൽ അഷ്റഫിനെ (55) തട്ടിക്കൊണ്ട് പോയത്. തട്ടിക്കൊണ്ടുപോയി മൂന്ന് ദിവസം കഴിഞ്ഞിട്ടും അഷ്റഫിനെ കുറിച്ച് വ്യക്തമായ വിവരം പൊലീസിന് ലഭിച്ചിട്ടില്ല.നിലവില് കണ്ടാലറിയാവുന്ന നാല് പേര്ക്കെതിരെയാണ് കേസ് എടുത്തിരിക്കുന്നത്.
താമരശേരിയില് വ്യാപാരിയെ തട്ടിക്കൊണ്ടുപോയ സംഭവം;ഒരാൾ അറസ്റ്റിൽ വിദേശത്തേക്ക് കടക്കാൻ ശ്രമിക്കവേ പിടിയിൽ
