കോട്ടയം: തെരഞ്ഞെടുപ്പ് തോല്വിക്ക് പിന്നാലെ ബി.ജെ.പിക്കും എന്.ഡി.എ മുന്നണിക്കുമെതിരെ ആഞ്ഞടിച്ച് ജനപക്ഷം നേതാവ് പി.സി ജോര്ജ്. തോല്ക്കാന് വേണ്ടി മാത്രമാണ് ബി.ജെ.പി തെരഞ്ഞെടുപ്പുകളില് മത്സരിക്കുന്നത്. എന്.ഡി.എ ഒരു മുന്നണിയാണോ എന്ന് ബി.ജെ.പി നേതൃത്വം വ്യക്തമാക്കണമെന്ന് പി.സി ജോര്ജ് പറഞ്ഞു.
ഇങ്ങനെ എത്രകാലം മുന്നണിയില് തുടരാനാകുമെന്ന് പറയാനാകില്ലെന്ന് പറഞ്ഞ പി.സി ജോര്ജ് താന് മുന്നണിയില് നിന്നും ഒളിച്ചോടില്ലെന്നും വ്യക്തമാക്കി. കെ.സുരേന്ദ്രന് മഞ്ചേശ്വരത്ത് മത്സരിച്ചാല് ജയിക്കുമായിരുന്നു. കോന്നിയില് ബി.ജെ.പിക്കാരല്ലാം കൂടി സുരേന്ദ്രനെ കൊല്ലുകയായിരുന്നെന്നും പി.സി.ജോര്ജ്ജ് പറഞ്ഞു.
